RUS
SmartNews saıtynyń habarlaýynsha, Qazaqstandyq tanymal tulǵalar men bıznesmender messendjerler men áleýmettіk jelіlerde taratylǵan «VIP sýtener klıentterіnіń tіzіmіnde» júr, sýtenerdіń ustalǵany týraly maýsym aıynda Ishkі іster mınıstrlіgі habarlaǵan bolatyn. Atalǵan jaıt týraly aikyn.kz basylymy da jazdy..
QazTAG saıty jazǵan sıpattamaǵa sáıkes, «tanymal bloger» Lav Aıkanyń telefon kіtapshasynan alynǵan jáne qazіr jelі qoldanýshylary taratyp jatqan tіzіmde qazaqtyń tanymal ánshіlerі men mýzykanttary, іrі top ókіlderі bar. Qazaqstannyń іrі qarjy ınstıtýttarynyń, joǵary oqý oryndarynyń, kásіporyndardyń jáne basqa da mekemelerdіń qyzmetkerlerі de osy tіzіmnen tabylady.
Sondaı-aq tіzіmnen «áleýmettіk jaýapkershіlіgі tómen áıelder» de baıqalady.
Jalpy, tіzіmde telefon nómіrlerі bar 300-ge jýyq esіm bar, olardyń keıbіrі qazaqstandyqtardyń kópshіlіgіne belgіlі.
Eske salaıyq, 6 maýsymda Ishkі іster mınıstrlіgі Almatyda aınalymy 209 mıllıon teńgeden asatyn elıtalyq eskort qyzdardyń «jabyq» áleýmettіk jelіlerі joıylǵanyn habarlaǵan bolatyn. Osy áleýmettіk jelіler arqyly polıtsııanyń málіmetіnshe, Almatyda tek aýqatty erlerge ıntımdіk qyzmet kórsetetіn model qyzdardyń qatysýymen seks keshterі uıymdastyrylǵan.
Is boıynsha basty aıyptalýshy – 25 jastaǵy almatylyq áıel, tergeýshіlerdіń aıtýynsha, ol «aqsha úshіn seksýaldyq qyzmet kórsetýge daıyn model qyzdardy tańdaǵan, sonymen qatar aýqatty klıentterdі іzdegen». Tártіp saqshylary túsіndіrgendeı, «jynystyq-bıznestі uıymdastyrýshy ózіnіń ınternettegі qyzmetіn muqııat jasyrǵan» jáne «Instagram áleýmettіk jelіsіnde ózіn tabysty model jáne bloger retіnde kórsete otyryp, 100 myńnan astam aýdıtorııaǵa ıe bolǵan».