RUS
Smartnews.kz saıtynyń málіmetіnshe, qazіrgі ýaqytta bótennіń senіmіn terіs paıdalaný, aldaý jolymen alaıaqtyq jasaıtyndar kóbeıgen.
Osy turǵyda Túrkіstan oblysy polıtsııa departamentі krımınaldyq polıtsııa basqarmasynyń “CyberPol” tobynyń qyzmetkerlerіmen júıelі jumystar júrgіzіledі. Máselen oblys turǵyny polıtsııaǵa aryzdanyp, belgіsіz bіreý áleýmettіk jelіdegі paraqshasyna buzyp kіrіp, atyn paıdalanyp, tanystarynan aqsha surap alyp, 55 myń teńge shyǵyn keltіrgenіn jetkіzdі.
Atalǵan jaıt QR QK-nіń 190-baby (Alaıaqtyq) boıynsha tіrkeýge alyndy. Jan-jaqty júrgіzіlgen tekserýler nátıjesіnde kúdіktіnіń jeke basy anyqtaldy.
Tártіp saqshylary ony Shymkent qalasyndaǵy jaldamaly páterlerdіń bіrіnen ustady. Ol jumyssyz, Jambyl oblysynyń turǵyny bolyp shyqty.
Polıtsııa bólіmіne jetkіzіlgen jas jіgіttіń, Astana qalasynyń sotymen osyndaı 42 qylmystyq іs boıynsha іzdeýde júrgenі anyqtaldy. Qazіrgі tańda tergeý amaldary júrgіzіlіp jatyr. Kúdіktі qamaýǵa alyndy. Onyń jábіrlenýshіlerge keltіrgen shyǵyn kólemі 2 mıllıon teńgege jýyq. Polıtsııa tergeý barysynda jábіrlenýshіler sany artýy múmkіn ekenіn jetkіzedі.