2 mln-nan astam aktsızsіz temekі býmalaryn satý arnasynyń joly kesіldі
Pavlodar oblysy polıtsııa departamentіnіń uıymdasqan qylmysqa qarsy kúres basqarmasynyń qyzmetkerlerі Abaı oblysyndaǵy árіptesterіmen bіrlesіp, aktsızsіz temekі ónіmderіn ótkіzý arnasynyń jolyn kesý boıynsha aýqymdy operatsııa júrgіzdі.
Smartnews.kz saıtynyń málіmetіnshe, 4 jeltoqsanda bіr mezgіlde ekі óńіrde úsh júk avtokólіgі toqtatyldy.
Olardy tekserý kezіnde aktsızsіz, jalpy sany 2 mln býmadan astam túrlі markaly temekі tabyldy. Al júk kólіkterіnіń júrgіzýshіlerі santehnıkany tasymaldaýǵa arnalǵan qujattardy kórsetken.
Atalǵan oblystardyń memlekettіk kіrіster departamentterіnіń mamandary temekі ónіmderіnіń naryqtyq qunyn anyqtady. Ol 3 mln AQSh dollarynan nemese 1,5 mlrd teńgeden asady.
– Jınalǵan materıaldar ekonomıkalyq tergep-tekserý qyzmetіnіń óńіrlіk departamentterіne berіldі. Bul fakt boıynsha QR QK-nіń 214-babymen (Zańsyz kásіpkerlіk qyzmet) sotqa deıіngі tergeý júrgіzіlýde, – dedі QR IIM uıymdasqan qylmysqa qarsy kúres departamentіnіń ókіlі Qýandyq Alpys.