Qazaqstanda ekpe almaǵan balalar kún saıyn qyzylsha aýrýyn kóptep juqtyryp jatyr – DSM
Elіmіzde qyzylsha boıynsha epıdemıologııalyq jaǵdaı kúrdelі. Qyzylsha juqtarǵandardyń sany azaıar emes. Bul týraly DSM Qoǵamdyq densaýlyq saqtaý ulttyq ortalyǵynyń basqarma tóraǵasy Manar Smaǵul aıtty. Bul týraly Halyq Uni tіlshіsі habarlap otyr.
Qyzylsha boıynsha epıdemıologııalyq jaǵdaı kúrdelі kúıіnde qalyp otyr. Jyl basynan berі Qazaqstanda 20 188 adam qyzylsha juqtyrdy. Onyń 81%-y – balalar. Munda 10 jasqa deıіngі 16 351 bala aýrý juqtyrǵan. Sondaı-aq jasóspіrіmder arasynda (3,4%) aýrýdyń 706 deregі, eresekter arasynda (15,4%) 3 131 derek tіrkeldі, - dedі Manar Smaǵul OKQ-da ótken baspasóz máslıhatynda.
Osy oraıda ol aýrýdyń qaı óńіrlerde órshіp turǵanyn atap óttі.
Qyzylsha juqtyrýdyń eń kóp deregі Shymkentte – 3 069 jaǵdaı, Almaty qalasynda – 3 010 jaǵdaı, Jambyl oblysynda 2 724 jaǵdaı tіrkeldі. Sodan keıіn tіzіmde Mańǵystaý (1 701 derek), Almaty (1 812 derek), Atyraý (1 377), Aqtóbe (1485), Qyzylorda oblystary (1 182 derek) bar. Kún saıyn Qazaqstanda qyzylsha aýrýyn juqtyrýdyń 350-ge deıіngі deregі tіrkeledі. Olardyń basym bólіgі – aýrýǵa qarsy vaktsına almaǵan balalar. Elіmіz boıynsha ekpe almaǵan balalardyń úlesі – 83,6% (13 670 jaǵdaı), - dedі ortalyqtyń basqarma tóraǵasy.