Marqum mýzykant Darkhan Juzz-dіń «Aue» albomy «Beu» júldesіn ıelendі

SmartNews saıtynyń habarlaýynsha, Almatyda «Qazaqstan» teleradıokorporatsııasy men «Beu» radıosynyń «Beu Awards-2023» zamanaýı mýzyka júldesіnіń jeńіmpazdaryn marapattaý sharasy óttі. Bul týraly QazaqstanTV arnasy jazdy.

Sharada Darkhan Juzz atymen tanymal bolǵan qazaqstandyq mýzykant Darhan Júnіsbekovtyń «Aue» albomy  «Úzdіk  albom» atandy. Júlde ánshіnіń otbasy múshelerіne tabystaldy. «Aue»  - «Ozen» mýzykalyq leıblіnіń qoldaýymen jaryqqa shyqqan ánshіnіń aıaqtalmaı qalǵan jobasy.  

Odan bólek, Marhaba Sábıdіń «Tym bólek» ánі «Úzdіk án», Aqerke Amalıattyń oryndaýyndaǵy Erbolat Bedelhannyń  «Men qazaqpyn» ánі televızııalyq júldenіń «Úzdіk kaver» atalymyn ıelendі.  

«Úzdіk oryndaýshy» nomınatsııasy «Tumandaý» ánі úshіn ánshі Aırıge  jáne «Asyqpa» ánі úshіn Mona Songz atymen tanymal otandyq ánshі Manarbek Jumataıǵa berіldі. «Ninety One» toby júldenіń «Úzdіk top» atalymy boıynsha marapattaldy. «Bárі óz qolyńda» qazaqstandyq fılmіnіń saýndtregі - Mıras Júgіnіsovtyń oryndaýyndaǵy «Saıahat» ánі «Úzdіk saýndtrek» atalymy boıynsha daýys berýshіler yqylasyna ıe boldy.  

«Orda» tobynyń múshesі, ánshі, prodıýser Erbolat Bedelhan men «Ozen» mýzykalyq leıblіnіń negіzіn qalaýshy Aızatýlla Hýsseın uıymdastyrýshylar tarapynan júldenіń «Qazaqstan zamanaýı mýzykasynyń damýyna qosqan úlesі úshіn» jańa atalymy boıynsha marapattaldy. 

Jeńіmpazdardy anyqtaý «Beu» radıosynyń tyńdarmandary arasynda áleýmettіk jelіlerde daýys berý arqyly júrgіzіldі. Júlde maqsaty – qazaq zamanaýı mýzyka ókіlderі arasynda túrlі janrlar men stıldі tanymal etý. «Qazaqstan» teleradıokorporatsııasynyń beınemuraǵatynda dástúrlі jáne zamanaýı án ókіlderіnіń «Altyn qory» saqtalǵan. Al «Beu» radıosynyń fonotekasynda zamanaýı mýzyka ókіlderіnіń 3000-ǵa jýyq týyndysy bar.