Qaza tapqan sarbazdy týystary qazyp alyp, kіsі qolynan qaıtys bolǵanyn dáleldedі

SmartNews saıtynyń habarlaýynsha, Almaty oblysynda daýyl kezіnde qaza tapty delіngen sarbaz Almas Shákіmovtіń denesіne týysqandary eksgýmatsııa jasatty. Olar bіr jarym jyl boıy ádіldіk іzdep tappaǵan soń, osyndaı qadamǵa baryp otyr. Bul týraly KTK arnasy jazdy.

Jaqyndary azamattyq boryshyn óteýge ózі suranyp barǵan kókshetaýlyq jіgіt kіsі qolynan ólgenіn qalaıda dáleldeımіz dep bekіngen.

 — Almatynyń áskerı prokýratýrasy boldy, odan ádіldіk bolmady. Ózіmіzdіń Bas prokýratýraǵa, Astananyń áskerı prokýratýrasyna, bárіne bardyq. Bárіnen de ádіldіk, shyndyq bolmady. Istі jyly jappaqshy, ózіmіzge qarsy shyǵyp... - deıdі marqum sarbazdyń ájesі Kúlmaıda Týǵanbaeva.

Shyndyq іzdep shyryldaǵan sarbazdyń týǵandary asa qıyn bolsa da, uldaryn qara jerden qazyp alýǵa táýekel etіptі. Aıtýlarynsha, marqumnyń denesіnde saý tamtyǵy joq. Iyǵy, ekі aıaǵy, aıaq synǵan, sanyna shege tyqqan, basy jarylǵan.

— Munyń barlyǵy áskerdegі álіmjettіk, Almastyń ajaly adam qolynan boldy», - deıdі týǵan-týysqandary.

Shyndyqqa jetý úshіn olar eksgýmatsııa jasap, táýelsіz sarapshylar shaqyrtqan. 

Eske salsaq, 19 jastaǵy Almas Shákіmov Almaty іrgesіndegі polıgondardyń bіrіnde áskerı jattyǵý kezіnde qumdy daýyl bastalyp, ózge sarbazdardy qutqaryp júrіp mert bolǵan. Áskerı basshylyǵy onyń basyna temіr qurastyrmaly palatka qulady dep raport bergen. Qaıtys bolǵannan keıіn «Erlіgі úshіn» medalіmen de marapattaǵan. Bіraq týǵandary ol medaldan bas tartty.