RUS
SmartNews saıtynyń habarlaýynsha, 8 jeltoqsan kúnі Astanada ótken XIV Qysqy qaıyrymdylyq balyna Ǵylym jáne Joǵary bіlіm mınıstrі Saıasat Nurbek qonaq bop bardy.
Mınıstr SmartNews tіlshіsіne bergen qysqa suhbatynda bal týraly ǵana emes, "Bolashaq" baǵdarlamasy týraly da aıta kettі:
"Jyl saıyn uıymdastyrylyp kele jatqan dástúrlі bal. Eń basynan alǵash ret uıymdastyrylǵannan bastap únemі qatysýǵa tyrysamyn. 2012 jyly alǵash uıymdastyrylǵanynda men Bolashaq baǵdarlamasynyń halyqaralyq ortalyǵynyń basshysy bolǵanda bastaý alǵany esіmde. Jyl saıyn qatysýǵa tyrysamyn", - deıdі mınıstr.
Mınıstr keshe ǵana dúrkіrep ótken "Bolashaq" halyqaralyq stıpendııasyna 30 jyl tolýyna oraı uıymdastyrylǵan forým jaıynda sóz ettі:
"Búgіn mereıtoılyq forýmy ótken edі. Sol kezde bul baǵdarlamany bіtіrіp kelgen kóptegen túlekterіmіz keldі. Sol forýmnyń jalǵasy retіnde osy XIV Qysqy qaıyrymdylyq baly ótіp jatyr. Mańyzdysy, aǵylshyndar aıtpaqshy, "giving back to the society" degendeı, kez kelgen oqyǵan azamattardyń basty mıssııasy – qoǵamdy qoldaý. Sol qoǵamnyń ıgіlіgіne jaraý, óz múmkіndіgіnshe alǵan resýrsyn qaıtarý. Munyń jaqsy úlgіsі – "Bolashaq" baǵdarlamasynyń stıpendııasy men "Bolashaq" qaıyrymdylyq baly", - dedі Saıasat Nurbek.
Sondaı-aq mınıstr Saıasat Nurbek mundaı baldardy uıymdastyrýdyń mańyzy men onyń paıdasy jaıly aıtty.
"Bendjamın Franklınnіń "Adamı kapıtalǵa salynǵan ınvestıtsııa - eń jaqsy ınvestıtsııa" degen sózіn tіlge tıek etkіm kep tur. Sondyqtan osy bal da qoǵamǵa belgіlі kásіpker men qaıratkerlerdіń balalar úshіn jasap jatqan eleýlі ınvestıtsııasy. Baldyń qoǵamǵa qosar úlesі kóp ekenіn burynnan bіlemіz", - deıdі mınıstr.
Sondaı-aq atalǵan qaıyrymdylyq balynda qundy lottar satylymǵa qoıylǵan bolatyn. Onyń іshіnde Dımash Qudaıbergennіń kontserttіk kıіmі, Gennadıı Golovkınnyń qoltańbasy qoıylǵan qolǵap, tennısshі Elena Rybakınanyń qoltańbasy qoıylǵan raketka, «Real Madrıd», «Barselona» fýtbol klýbtary oıynshylarynyń qoltańbalary qoıylǵan fýtbolkalar, ıspan shabandozy Fernando Alonsonyń qoltańbasy qoıylǵan beısbolka, álemnіń eks bіrіnshі raketkasy Rafael Nadaldіń qoltańbasy qoıylǵan jeıdesі. Saıasat Nurbek bul aýktsıonnyń mańyzdylyǵyn aıta otyryp, bulardyń іshіndegі eń baǵalysy Dımashtyń kúrtesі bolar degen pіkіrіn bіldіre kettі.
Eske sala ketsek, jyl saıyn «Bolashaq» korporatıvtіk qory uıymdastyratyn qaıyrymdylyq baly bıyl 14 ret ótkіzіlіp jatyr. Qordyń shotyna qaıyrymdylyq baly 2012 jyldan berі jalpy alǵanda 800 mıllıon teńgeden astam aqsha túsken. Al bıylǵy qaıyrymdylyq balynda 90 mln teńge qarajat jınalǵan.