RUS
El arasynda keń taraǵan "Sharshama" ánіnіń avtory Muhtar Hanzada bul ánnіń aty men shyǵý tarıhy uqsas ekenіn aıtty. Óner ıesіnіń aıtýynsha, án ómіrdegі sátsіzdіkterden sharshap, onyń qınalǵan kezde shyǵarǵan ánі eken. Bul týraly mýzykant "Elarna" telearnasyndǵy Keshki vibe baǵdarlamasynda áńgіmelep berdі.
Baǵdarlamaǵa bergen suhbat Muhtar Hanzada 80 ge jýyq án, 15 beınebaıan jazǵan soń shyǵarmashylyq toqyraýǵa ushyraǵan atap óttі.
"Jazǵanyń ótpegennen keıіn, kóńіlіń de qala bastaıdy eken. Sol kezderde Astanadan Almatyǵa keldіm. Páter jaldap turdym. Taǵy 20 jýyq án jazdyq. Aqsha da taýsyldy. Anadan, mynadan aqsha alamyz. Darhan Dáýlet shymkenttіk aqyn jіgіt baýyrym bar. "Sóz jazshy, kóńіldі bolsyn. Bárіnen sharshap kettіm" dedіm. Bólmesіnen júgіrіp shyǵyp 15 mınýtta sózіn shyǵaryp alyp keldі. "Toıda zor bolady" dedі. Maǵan unamady, sózderі de", - dedі ol.
Osylaısha óner ıesі án "bárіnen sharshap, toqyraýda júrgen kezde" shyqqanyn aıtty. Onyń aıtýynsha, dosy ándі jazdyrýǵa kóndіrіp, jaryqqa shyǵarǵan. Alaıda án 1 jyl ýaqyt ótkennen keıіn toıda shyrqalǵan.
"Zapıske baryp jazyp kórdіk. 1 jyl turdy. Beınebaıan da túsіrіp kórdіk. Klıptі telearnaǵa aqsha taýyp berіp edіk. 15-20 kúnnen keıіn Shymkentten tapsyrys tústі", - dep baıandap berdі mýzykant.