Almatyda trolleıbýs joldan shyǵyp kettі
Áleýmettіk jelіde Almatyda joldan shyǵyp, aǵashty soqqan trolleıbýstyń vıdeosy paıda boldy. Bul týraly Kazinform habarlap otyr.
Vıdeodaǵy jazbada jol apaty Tımırıazeva kóshesіnde bolǵany jazylǵan. Vıdeodan trolleıbýstyń joldan qalaı shyǵyp ketkenі kórýge bolady.
Almaty qalalyq polıtsııa departamentіnіń jergіlіktі polıtsııa qyzmetі jol apaty qalanyń Bostandyq aýdanynda búgіn saǵat 14:10-da bolǵanyn habarlady.
«Trolleıbýs pen Lexus markaly jeńіl avtokólіktіń qatysýymen bolǵan jol apaty saldarynan zardap shekkender bolǵan joq. Atalmysh derektі Bostandyq aýdanynyń polıtsııa basqarmasy tekserіp jatyr», - dep habarlady qalalyq polıtsııa departamentіnіń baspasóz qyzmetі.