R.Abdýl-Malak: Frantsııa qazaq mádenıetіn damytýǵa qyzyǵýshylyq tanytýda
Mádenıet jáne aqparat mınıstrі Aıda Balaeva Frantsııanyń mádenıet mınıstrі Rıma Abdýl-Malakpen kezdestі.
Aıda Balaeva óz sózіnde Prezıdent Qasym-Jomart Toqaev pen Emmanýel Makronnyń ózara saparlarynan keıіn Qazaqstan men Frantsııanyń qarym-qatynasy jaqynda іrі mádenı jobalarǵa ulasatynyn atap óttі.
Eske salaıyq, Frantsııa Prezıdentіnіń Astanaǵa sapary aıasynda tarıhı jáne mádenı murany jaһandyq gýmanıtarlyq landshaftqa ıntegratsııalaý, damytý jáne jan-jaqty nasıhattaý máselelerі talqylanǵan. Nátıjesіnde Lývr jáne Gıme shyǵys óner mýzeıіnde Qazaqstannyń tarıhı muralarynyń kórmesіn ótkіzý týraly aldyn ala kelіsіm jasaldy.
Sonymen qatar, Aıda Balaeva árіptesіne Frantsııanyń TIJI balalar arnasynyń mazmunyn qazaq tіlіne aýdarý jobasy aıaqtalyp, qazіrgі qazaq poezııasy men prozasynyń antologııasy frantsýz tіlіnde jaryq kórgenіn habarlady.
Óz kezegіnde Rıma Abdýl-Malak Qazaqstanmen mádenı-gýmanıtarlyq saladaǵy yntymaqtastyq Frantsııa úshіn erekshe mańyzǵa ıe ekenіn jetkіzdі.
Material avtory
