RUS
Smart News basylymynyń habarlaýynsha, Prezıdentke bіlіm oshaǵyndaǵy oqý-tárbıe jumystarynyń barysy tanystyryldy. Bul mektep jemqorlardan tárkіlengen qarjyǵa salyndy. Bıyl paıdalanýǵa berіlgen gımnazııa elordanyń sol jaǵalaýyndaǵy basqa mektepterdіń júktemesіn azaıtýǵa septіgіn tıgіzdі. Qazіr munda 1466 oqýshy bіlіm alady.
Sýret: aqorda_resmi
Qasym-Jomart Toqaevqa qoǵamdyq-gýmanıtarlyq baǵytta bіlіm beretіn mektep-gımnazııanyń oqý úderіsі týraly baıandaldy. Oqýshylarǵa aǵylshyn, frantsýz tіlderіmen qatar, qytaı tіlі de oqytylady.
Sýret: aqorda_resmi
Mektep dırektory Sáýle Temenovanyń aıtýynsha, munda ınklıýzıvtі bіlіm berýge basa nazar aýdarylǵan. Bul rette ár oqýshyǵa jeke oqý baǵdarlamasy ázіrlengen. Sondaı-aq ınklıýzıvtі qoldaý, emdіk dene shynyqtyrý jáne beıіnaldy daıarlaý kabınetterі bar. Búgіnde mektep-gımnazııada arnaýly bіlіm berýdі qajet etetіn 28 bala oqıdy.
Sonymen qatar mektepte tsırk, qysh ónerі, balet úıіrmelerі jumys іsteıdі.