«Brazılııaǵa barý ońaı bolmady»: Nurlan Qoıanbaev taǵy bіr komedııa túsіrdі

Ataqty ázіlkesh, kınoprodıýser Nurlan Qoıanbaev «Qazaqsha bıznes» fılmіnіń kezektі serııasyn 218 mıllıon halqy bar Ońtústіk Amerıka elіnde túsіrdі.

Bul joly Qoıanbaev akterlіk quramdy, rejısser men stsenarıı avtorlaryn, túgel ózgertken. Burynǵy fılmderde oınaǵan Jan Baıjanbaev, Darıǵa Badyqova, Gúlnaz Jolanova, Ramazan Amantaı syndy ártіster bul joly tek epızodtyq rólderden kórіnedі eken. Qyrkúıekte bastalǵan túsіrіlіm 20 kúnde jalǵasypty.

«Qazіr shetelge shyǵyp, kıno túsіrý óte qymbat bop jatyr. Brazılııaǵa barý ońaı bolmady. Jalpy, jetі bólіmі bar kıno jyl saıyn shyǵa bermeıdі. Sondyqtan onyń jaýapkershіlіgі óte úlken. Qazіr Qazaqstanda komedııa kóp túsіrіlіp jatyr. Bіreýі jaqsy, bіreýі jaman. Soǵan qaramastan túsіrіle bergenі durys. Óıtkenі tek myqty memleket qana óz ómіrlerіn kúlkіmen kórsete alady» dedі Nurlan Qoıanbaev «Revue news» baǵdarlamasyna bergen suhbatynda.

Eske sala keteıіk, «Qazaqsha bıznes» komedııasynyń alǵashqy bólіmі 2016-jyly shyqqan. Nurlan Qoıanbaev – Qazaqstanda komedııa túsіrіp, kassadan mıllıard jınaǵan alǵashqy prodıýser. Alaıda jaqynda ony «Taptym-aý senі» fılmіn túsіrgen Darıǵa Badyqova basyp ozdy. Jaryqqa shyqqa 10 kún іshіnde 1 mıllıard 100 mıllıon teńge kassa jınaǵan. Qoıanbaevtyń «Qazaqsha bıznes Brazılııada» komedııasy 28-jeltoqsannan bastap barlyq kınoteatrlardan kórsetіle bastaıdy.