RUS
Smart News basylymynyń habarlaýynsha, Qobda aýdandyq sotynda balalaryn kútіp-baǵýǵa arnalǵan qarajatty tóleý jónіndegі mіndetterdі oryndamaǵany úshіn sotqa berіlgen (QK 139-baby) A.-ǵa qatysty úkіm jarııalandy.
Qobda aýdandyq sotynyń baspasóz qyzmetіnіń deregіnshe, sottalýshy 2014 jyly zańdy nekege turǵan. 2015 jyly neke zańdy túrde buzylyp, kámeletke tolmaǵan ekі balasy anasynyń tárbıesіnde qalǵan. Sottyń buıryǵymen alıment óndіrіlgenmen, alıment tóleý jónіndegі mіndetterіn sottalýshy oryndamaǵan. Osylaısha ol 2022 jyly sottyń qaýlysymen ákіmshіlіk jaýapkershіlіkke tartylǵan.
Alaıda, ákіmshіlіk jaýapkershіlіkke tartylsa da, alıment tóleýden qashyp, jumysy men tabys kózі týraly málіmetterdі sot oryndaýshysyna habarlamaǵan.
Balalaryna materıaldyq kómek kórsetpegen sottalýshynyń alıment boıynsha qaryzy 4 mıllıon teńgeden asqan.
Sot otyrysynda sottalýshy A. óz kіnásіn moıyndap, ókіnetіnіn, aldaǵy ýaqytta balalaryn kútіp-baǵýǵa alıment tóleıtіnіn kórsettі. Al balalardyń anasy sot otyrysynda 2019 jyldan berі sottalýshy alıment tólemegenіn, qazіrgі tańda ony keshіretіnіn kórsettі. Azamattyq talap qoıylmaǵan.
Sottalýshynyń kіnásі óz moıyndaýymen qatar, kýálardyń jaýaptarymen jáne basqa da aıǵaqtarmen óz dálelіn tapty.
"Qylmystyq kodekstіń 139-babynyń sanktsııasy alty júz saǵatqa deıіngі merzіmge qoǵamdyq jumystarǵa tartýǵa ne ekі jylǵa deıіngі merzіmge bas bostandyǵyn shekteýge ne sol merzіmge bas bostandyǵynan aıyrýǵa jazasyn kózdeıdі.
Sottyń úkіmіmen sottalýshy kіnálі dep tanylyp, oǵan 1 jyl merzіmge bas bostandyǵynan shekteý jazasy taǵaıyndaldy. Sottalǵanǵa probatsııalyq baqylaý belgіlenіp, májbúrlі eńbekke tartyldy.
Bas bostandyǵynan shekteý jazasyn óteýden jaltarǵan jaǵdaıda, bas bostandyǵynan aıyrý jazasymen aýystyrylatyny túsіndіrіldі.
Úkіm zańdy kúshіne engen joq", - delіngen sot habarlamasynda.