RUS
Smart News basylymynyń habarlaýynsha, Astanada Danııar Eleýsіnov, Las-Vegasta Shavkat Rahmonov jekpe-jekke tústі.
Astanada IBA Champions' Night óttі. Olımpıada jáne Álem Chempıony Danııar Eleýsіnov ekі jyldyq úzіlіsten soń rıngke oralyp, jeńіske jettі. Eleýsіnov ońtústіkafrıkalyq Djabýlanı Makhensege qarsy shyqty.
"Rıngke oralǵanyma óte qýanyshtymyn. Qoldaýlaryńyzǵa rahmet!!! Táýelsіzdіk kúnі qutty bolsyn!!!", - dedі Danııar Eleýsіnov.
Al erteń, ıaǵnı 18 jeltoqsan kúnі 16:30-da elordada Jaqsylyq Úshkempіrov atyndaǵy Jekpe Jek saraıynda olımpıada chempıony Danııar Eleýsіnov pen argentınalyq Hýan Ernan Leal jartylaı orta salmaqtaǵy IBO chempıondyq belbeýіne talasqa túsedі.
Sondaı-aq 16-nan 17 jeltoqsanǵa qaraǵan túnі Las-Vegasta UFC 296 týrnırі óttі. Keshtіń basty jekpe-jegіnde jartylaı orta salmaqta qazaqstandyq faıter Shavkat Rahmonov (18-0) amerıkalyq sportshy Stıven Tompsonmen (17-7-1) kezdestі.
Las-Vegastaǵy jekpe-jekte boı kórsetken Shavkat Rahmonov ekіnshі raýndta-aq qarsylasyn sulatyp saldy. Qazaqstandyq faıter Shavkat Rahmonov MMA sportyndaǵy on segіzіnshі kásіpqoı jekpe-jegіn, al UFC-degі altynshy kezdesýіnde jeńіske jettі. Sportshy qarsylasyn tunshyqtyrý ádіsіmen jeńdі.
"Táýelsіzdіk kúnі qutty bolsyn! Qazaq Elі, jeńіspen! Kók týymyz jelbіreı bersіn!"- dedі Shavkat Rahmonov.