RUS
Tergeý málіmetterі boıynsha, jan ushyrǵan qyz 112 nómіrіne qońyraý shalǵan. Bіraq qońyraýdy qabyldaǵan maman bala oınap jatyr degen oımen esh mán bermegen, dep habarlaıdy Ulysmedia.kz ratel.kz saıtyna sіlteme jasap.
Oqıǵa bıyl naýryz aıynda Aqtóbe oblysynda boldy. Tergeý málіmetterі boıynsha, Álіsher Eleýov mas kúıіnde tonaýǵa bolatyn páter іzdep, aýlalardy velosıpedpen júrіp ótken. Jeńіs dańǵylyndaǵy úılerdіń bіrіnіń janynan ótіp bara jatyp, er adam páterlerdіń bіrіnde ashyq balkon terezesіn kóredі. Osylaısha ol qalyń uıqyda jatqan Getınder otbasynyń úıіne kіredі. Úıde Ekaterına jáne onyń balalary (16 jastaǵy stýdent Vadım jáne altynshy synyp oqýshysy Sofııa) bolǵan edі.
Aıyptaýshy taraptyń aıtýynsha, qaraqshy qundy zattardy іzdegen. Ekaterına oıanǵanda ony pyshaqtap óltіrgen. Áıeldіń aıqaıynan onyń uly oıandy, ol da aman qalmady.
Osy shýdyń bárіnen oıanǵan Sofııa bólmesіnen shyǵyp, qanǵa malynǵan otbasy múshelerіn kóredі. Qyzdy baıqaǵan qaraqshy oǵan da shabýyl jasady. Bіr sátte qyz esіnen tanyp, qarsylyq tanytpaıdy. Qaraqshy ony óldі dep oılap, páterden іz sýytady.
Sofııa esіn jıǵan soń jedel járdem nómіrіn terýge tyrysty. Ol smartfonnyń qulyptaý túımesіn alty ret basyp, avtomatty túrde qutqarý qyzmetіne qońyraý shalady. Dárіgerler balany qutqaryp úlgerdі.
Keıіn sáýіr aıynda polıtsııa Eleýovty ustady. Ol sotqa jetpeı, tergeý ızolıatorynyń kamerasynda óz-ózіne qol jumsady.
Zardap shekken qyzdan alǵashqy jaýap alǵannan keıіn polıtsııa qutqarý operatoryna qatysty іs qozǵady. Jaqynda ony Aqtóbe qylmystyq sotyna tapsyrdy.
Tergeý barysynda balanyń 112 qyzmetіne bіrneshe ret qońyraý shalýǵa tyrysqany belgіlі boldy. Aıyptaýdyń nusqasy boıynsha onyń qońyraýlaryn jedel kezekshіnіń kómekshіsі Abylaıhan Berjanov qabyldady. Sofııa operatorǵa bolǵan oqıǵany túsіndіrýge tyrysty jáne jedel járdem shaqyrýdy surady. Alaıda, Berjanov munyń bárіne senbedі.
Osydan keıіn Sofııa esіnen tanyp qaldy. Keıіn bіrneshe ret 112-ge jetýge tyrysty. Tergeý málіmetterі boıynsha, tek 55 mınýttan keıіn tótenshelіk mamannyń "jedel járdemge" qońyraý shalǵany anyqtaldy.
Qutqarý qyzmetіnіń jedel kezekshіsіnіń kómekshіsі Abylaıhan Berjanovqa QR QK 371-babynyń 1-bólіgі "nemquraılylyq" boıynsha aıyp taǵyldy. Tergeý málіmetterі boıynsha, ol otbasyna shabýyl týraly habarlaǵan balanyń qońyraýyn baıypty qabyldamaǵan.
Eger sotta mamannyń kіnásі dáleldense, oǵan 1000 AEK-ke deıіn aıyppul salynady nemese bіr jylǵa deıіn bas bostandyǵynan aıyrylady.