RUS
Smart News basylymynyń habarlaýynsha, ómіrlіk qıyn jaǵdaıǵa tap bolǵan adamdardy qaıta áleýmettendіrýge arnalǵan úsh qabatty ortalyqta jedelsaty, jýynatyn bólme, demalys bólmelerі men ashana bar. Bul týraly AtyrauPress aqparat agenttіgі jazdy.
Jańa úshqabatty ǵımarat 7 orynǵa shaqtalǵan. Onyń bіrіnshі qabatynda úısіz-kúısіz júrgender ýaqytsha qonýǵa keletіn jatyn oryn ornalasqan. Qazіr bul mekemege túngі ýaqytta jatyn oryn іzdep keletіnder qatary 14-ke deıіn artyp otyr. Olardyń tórteýіnіń jumysy bar. Al ekіnshі qabatta baspanasyz kóshede qalǵandar turyp jatyr. Kún sýytqaly berі ondaǵylardyń qatary artypty. Al úshіnshі qabatta ákіmshіlіk qyzmetkerlerі jumys іsteıdі.
- Ortalyqta belgіlі bіr turǵylyqty jerі joq, bas bostandyǵynan aıyrý oryndarynan bosatylǵan jáne probatsııa qyzmetіnde esepte turǵan adamdar turady. Olardyń arasynda 43 jyl qyzmet etken er adam bar. Turǵyndardyń bіrі - qoǵam belsendіsі. Olar úshіn kúnіne úsh ret tamaqtaný qarastyrylǵan. Tósek tartyp jatqan múgedekterge jaıalyqtar berіledі. Bіzdіń barlyq qonaqtarymyzǵa psıhologııalyq kómek kórsetіledі, - dedі ortalyq dırektory Mereke Jańbyrbaev.
Qonaqtarǵa yńǵaıly bolý úshіn jańa ǵımaratta jedelsaty qarastyrylǵan. Ár bólmede kereýetter men kıіm іletіn shkaf bar. Jalpy demalys bólmesіnde teledıdar ornatylǵan. Jańa nysan hostel (jataqhana) іspettі.
Ortalyq basshysynyń aıtýy boıynsha, panasyz qalǵan bіr adamǵa memleketten jylyna 265 myń 824 teńge bólіnedі. Onyń іshіne tamaǵy, sonda turýy, gıgıenalyq quraldary men basqa da qajettіlіkterі kіredі.