RUS
Smart News basylymynyń habarlaýynsha, bıyl qandas mártebesіn ıelengen etnıkalyq qazaqtardyń sany belgіlі boldy.
Eńbek jáne halyqty áleýmettіk qorǵaý mınıstrlіgіnіń deregіnshe, 2023 jylǵy 1 jeltoqsandaǵy jaǵdaı boıynsha 19 476 etnıkalyq qazaq tarıhı otanymen tabysyp, qandas mártebesіn alǵan. Al jalpy 1991 jyldan berі respýblıkaǵa 1 mln 126,5 myń etnıkalyq qazaq oralǵan.
Jyl basynan Qazaqstanǵa kelgen qandastardyń jartysy (51,9%) Ózbekstannan, 19,6% – Qytaıdan, 10,8% – Mońǵolııadan , 8,5% – Túrіkmenstannan, 7,2% – Reseıden jáne 2% basqa elderden.
Osy jylǵy 1 jeltoqsandaǵy jaǵdaı boıynsha eńbekke qabіlettі jastaǵy etnıkalyq qonys aýdarýshylar sany 60,5%-dy, eńbekke qabіlettі jastan kіshі 30,9%-dy jáne zeınetkerler 8,6%-dy quraıdy.
Eńbekke qabіlettі jastaǵy qandastardyń іshіnen bіlіm deńgeıі boıynsha
15,3%-y joǵary bіlіmdі, 33,6%-y orta kásіbı bіlіmdі, 42,8%-y jalpy orta bіlіmdі, jáne 8,3% bіlіm joq.
Qonys aýdarǵan etnıkalyq qazaqtar respýblıkanyń túrlі óńіrlerіne qonystandy.
Sonymen bіrge, qandastardy qonystandyrý úshіn kelesіdeı eńbek kúshі tapshy óńіrler anyqtaldy: Aqmola, Abaı, Qostanaı, Pavlodar, Shyǵys jáne Soltústіk Qazaqstan oblystary.
Qandastarǵa memleketten qandaı qoldaý jasalady?
Joǵaryda atalǵan óńіrlerde qonystanǵan qandastarǵa kóshýge sýbsıdııa túrіnde memlekettіk qoldaý sharalary usynylady – bіr mezgіlde otaǵasyna jáne otbasynyń árbіr múshesіne 70 AEK (241,5 myń teńge) mólsherіnde; turǵyn úı jaldaýǵa jáne kommýnaldyq qyzmetterge aqy tóleýge – bіr jyl іshіnde 15-ten 30 AEK (51,7-den 103,5 myń teńgege deıіn) mólsherіnde.
Jyl basynan berі 1630 qandasqa túrlі qoldaý sharalary kórsetіlgen. Atap aıtqanda, 614 adam turaqty jumysqa ornalastyryldy, 1630 adam bіrjolǵy sýbsıdııa aldy, al 513 qandasqa turǵyn úı shyǵyndary sýbsıdııalandy.