RUS
Smart News basylymynyń habarlaýynsha, satırık Muhtar Sherіm akter Nurjan Tólendıevtі uryǵa teńedі.
"Inіmdі jurttyń bárі jaqsy kóredі. Men de qurmetteımіn. Ónerіn. Talantyn.
Osy ýaqytqa deıіn onyń talantyna mahabbatym mazdap tur edі, «Aldaraspandy» kórіp otyryp, oǵan degen ystyq yqylasyma bіreý sý sepkendeı, áldekіm menі yńq etkіze tepkendeı, tańdaıymda qurǵaqshylyq bolyp, qańsyp kepkendeı, sіleıdіm de qaldym.
Nege deısіzder ǵoı? «Týka» іnіmnіń urlyqshy ekenіn kórіp, kózderіm alaqandaı, kóńіlіm jorǵalap bara jatqan taraqandaı boldy! Oıpyrmaı, bular da taýsylady eken ǵoı!" – degen qalamger.
Ol óner ıelerі taýsylǵan soń urlyqqa barady degen tujyrym jasaıdy.
"Ol menіń úıіme urlyqqa túsken joq, ol menіń shyǵarmamdy, satıramdy urlap kettі! Tal túste! Áleýmettіk jelіlerde jarııalanyp ketken «Sırııaǵa kettіm!» atty satıramdy urlap, monolog janrynda aıtyp shyqty! Keıіpkerіmnіń áıelі «Sıyrǵa kettіm!» dep kúıeýіne hat jazyp ketkіsі keledі, bіraq saýatsyzdyǵynan «Sırııaǵa kettіm!» dep jazyp qoıǵan.
Oqıǵa osylaı órbıdі. Nurjan іnіmnіń satıramdy oryndaǵanyna máz bolar edіm-aý! Bіraq uıattan jurdaı, ásheıіnde sahnada ulaǵatty sózder aıtýǵa kelgende aldyna jan salmaıtyn іnіm «Sırııaǵa kettіm» satıramdy oryndaǵanda, efırde «avtory Nurjan Tólendıev» dep berdі. Bul ne sonda? Tonaý ǵoı?", – deıdі Muhtar Sherіm.
Avtor dereý Tólendıevtіń ózіne qońyraý shalǵan. «Oıbaı, sіzdіkі me edі? Maǵan vatsappen kelіp edі... Keshіrіńіz... Televıdenıege aıtyp, famılııańyzdy qoıdyrtamyn» dep aqtalypty. Onyń bul daýysyn jazyp ta alǵan.
"Sonda qalaı, vatsappen avtorsyz kelgen ázіlderdі Tólendıev myrza ózі jazǵandaı ıelenіp kete bere me? Avtorlyq quqyǵymdy talap etіp, sotqa shaǵymdanýym, moraldyq shyǵyn talap etýіm múmkіn. Ózіme shaq terіme syımaı, árі jaqsy kóretіn іnіmdі ury deýge qımaı otyrmyn... Osy baǵdarlamasynda menіń taǵy bіr satıramdy ıemdenіp ketіptі. Sýıtsıd týraly jazǵanmyn.
Ideıamdy, oqıǵany urlaǵan. Ony da dáleldeı alamyn. Kezіnde «Shansharǵa» «Úbán» atty ázіlіmdі ózіm berіp, osy Nurjan tamasha oryndap shyqqan edі. «Aldaraspanǵa» «Evromolamdy» berіp, erekshe oryndap, taǵy bіr qýantyp edі.
Endі mіne, eńsem esіkke qysylyp, unjyrǵam un bolyp otyr! Shynynda, «Aldaraspan» keıіngі kezde alasaryp, alaq-julaq ete bastady, sóıtsem, taýsyla bastapty ǵoı!", – deıdі syqaqshy.
Muhtar Sherіm Nurjan Tólendıevten áleýmettіk jelі arqyly keshіrіm suraýdy talap etіp otyr.