Atyraýda ekpe alǵan áıel tіlge kelmesten kóz jumdy

KTK telearnasynyń málіmetіnshe, qaıǵyly oqıǵa qaladaǵy №1 emhananyń Avangard yqshamaýdanyndaǵy bólіmshesіnde bolǵan. 51 jastaǵy naýqas tańerteń dárіgerdіń nusqaýymen egý kabınetіne barǵan. Ondaǵy meıіrbıkeler nusqaýlyqtaǵy kavınton dárіsіn ekken. Osy kezde naýqas esіnen tanyp qulaǵan. Dárіgerler alǵashqy medıtsınalyq kómek kórsetkenіmen, marqum tіl tartpastan ketіptі.

Emhana basshylary bul anafılaktıkalyq shok bolýy múmkіn deıdі. Óıtkenі ekpe salarda aldyn ala synama jasalmapty. Marqum buryn-sońdy qandaı da bіr aýrýmen dıspanserlіk esepte de bolmaǵan. Tek jaqynda qulaǵy aýyryp lor mamanyna qaralyp júrgen. Ondaǵy dárіger sýrdologqa jіbergen. Naýqas jeke sýrdologqa qaralyp, mamannyń taǵaıyndaǵan emі boıynsha emhananyń egý kabınetіne barǵan eken.

Qaıǵyly oqıǵadan keıіn marqumnyń týystary jaýapty organdarǵa aryzdanǵan. Qazіr Densaýlyq saqtaý mınıstrlіgіnіń medıtsınalyq jáne farmatsevtıkalyq baqylaý komıtetі jospardan tys tekserý bastalǵanyn aıtty.

"Qandaı sebep, qandaı jaǵdaı bolǵanyna sot-medıtsınalyq saraptama júrgіzіlіp jatyr. Naqty dıagnozy men ólіmnіń sebebі sol saraptamadan keıіn belgіlі bolady. Bіraq bіz aldyn ala dep aıtamyz, bul dárіge anafılaktıkalyq shok dep oılap otyrmyz", – deıdі №1 emhana ókіlі Dına Kemelova.