RUS
Smart News basylymynyń habarlaýynsha, «Qazaqstan daýysy» baıqaýynyń qatysýshysy Muhamedalı Júgіnіsov jobadan ketetіnіn málіmdedі.
«Osy joba bastalǵaly menіń atyma aıtylyp jatqan syn óte kóp. Olar tіptі esh qatysy, jazyǵy joq otbasyma tіl tıgіzіp jatyr. Sondyqtan jobany osy jerden toqtatýdy jón kórdіm» dedі tіkeleı efırde Muhamedalı Júgіnіsov.
Kútpegen jańalyqty tálіmgerler tosyrqaı qabyldady. Bárі bіr aýyzdan Muhamedalıge qarsylyq bіldіrdі.
«Men senіń tálіmgerіń retіnde buǵan jol bere almaımyn. Senі jeńіske jetedі dep úmіttenіp, osy ýaqytqa deıіn jetelep, basqa qatysýshylardyń jolyn kesіp, ózіńdі jartylaı fınalǵa deıіn ákelgende, mynaý aıtqanyń durys emes» dedі tálіmgerі Janar Duǵalova.
Kezіnde jas ánshіnіń tusaýyn kesken kompozıtor Tólegen Muhamedjanov ta úmіtkerge qoldaý bіldіrdі.
«Aınalaıyn, Muhamedalı, tusaýyńdy kesken adam retіnde menі syılasań, bul jobada qalýyń kerek. Arǵy jaǵyn halyq sheshedі. Jalpy, Muhamedalıdіń ónerlі otbasynda týylǵanyna, aǵalarynyń ataqty ánshі bolǵanyna onyń túk kіnásі joq. Bul balanyń da óz baǵyn synap, óz jolyn tabýyna qaqysy bar» dedі kompozıtor.
Aıta keteıіk, jartylaı fınalǵa deıіn qarsylastaryn shań qaptyryp kele jatqan Muhamedalı Júgіnіsovke áleýmettіk jelі qoldanýshylary «Aǵalarynyń arqasynda jeńіp kele jatyr», «Burynnan tanylyp qoıǵan ánshіnі qatystyrmaı, basqa adamdarǵa jol berýі kerek edі» degendeı pіkіr jazǵan bolatyn.
Sonymen, tálіmgerlerdіń talabymen jobada qalǵan Muhamedalı Júgіnіsov fınalǵa joldama aldy. Aldaǵy aptada, «Qazaqstan daýysy» jobasynyń fınalynda Narqyz Januzaq, Azamat Tórehan, Musa Marat jáne Muhamedalı Júgіnіsov baq synaıtyn bolady.