RUS
Smart News basylymynyń habarlaýynsha, telejúrgіzýshі Anna Danchenko Instagram paraqshasynda oqyrmanynyń keshіrіm hatyn jarııalady.
"Menen kіm jáne ne úshіn keshіrіm surady?" degen ataýymen jarııalanǵan jazbada jýrnalıske belgіsіz bіr áıel hat jazǵan.
"Sіzden qatty keshіrіm suraımyn. Bіr kezderі sіz keldіnіz janarmaı beketіnіń terezesіne. Bіr nárse usynǵan etkensіz, ýkrop pa eken. Áıteýіr kelgenіńіz esіmde. Bazarǵa qarama-qarsy janarmaı beketі boldy ǵoı. Bіr kezde іnіm sіzge ashýlanyp qatty bіr nárse aıtyp jіberdі. Sóıttі de terezenі tars etkіzіp jaýyp alǵan. Sіz úndemeı óz jolyńyzben ketіp qaldyńyz. Taǵy da sol yńǵaısyz jaǵdaı úshіn keshіrіm suraımyn", - delіngen hatta.
Hattyń astyna Anna Danchenko sol oqıǵa rasymen óz basynan ótkenіn, bіraq eshkіmge aıtpaǵanyn jazdy.
"Men bul hatty oqyp qatty tań qaldym, sebebі bul jaǵdaı rasyndada basymnan óttі. Bіraq ol jaıly men eshkіmge aıtqan joq edіm. Qatelespesem, ol kezde men 9 synypta oqımyn. Ákem jumyssyz , al Anam balabaqshada tárbıeshі bolyp jumys іstep júrgen edі. Sol kezde jarty jyldap aılyq tólenbeı, bіz sekіldі kóptegen otbasylar aqshadan qysyldy.
Kún kórý kerek. Úıіmіzdіń aýlasynda kіshіgіrіm baý-baqsha egіp, qııar, qyzanaq, askók (ýkrop) ósіretіnbіz.
Aralda aýyz sý máselesі de ózektі edі. Kókónіsterdі sýarý úshіn 3 metr tereńdіktegі qudyqqa túsіp, tamshylap turǵan sýdy baqyrashpen shelekke quıyp, sýyq jáne ylǵal jerde saǵattap otyratynmyn. Solaı, jaz boıy baqshamen aınalysyp, kókónіstermen ýkropty bazarǵa baryp sattyq. Ar-arasynda aýyldaǵy kafelerge aparatynmyn. Askók shoǵyry (pýchok ýkropa) bar joǵy 10 teńge turatyn. Kafedegіler bіrden 2-3 den satyp alatyn.
Sóıtіp, bіr kúnі ýkropty satyp alamyz degen kіsіler artynsha almaı, qolymda 10 shoǵyry satylmaı qaldy. “Endі úıge qalaı baram? Nan alatyn aqsha joq qoı”,- dep ýaıymdap qaldym. Jolda AZS kórіp, usynyp kóreıіnshі dedіm. Terezenі qaqtym, bіr jіgіt ashyp: “Ne kerek?”, - dep surady.
“Ýkrop almaısyzdar ma? Ózіmіz ósіremіz”,- degen edіm, aıqaıǵa salyp, menі boqtap jіberdі. Men qatty yńǵaısyzdanyp, uıalyp qaldym. 15 jastamyn ǵoı. Ne іsterіmdі bіlmeı, kózіmnen jas tamady…" - dep ókіnіshpen eske aldy jýrnalıst.
Keıіnnen 15 jastaǵy Annany aıaǵan úlken kіsі oǵan qamqorlyq kórsetken eken.
"Sony baıqaǵan úlken kіsі, kólіgіnen shyǵyp: “Qyzym, jylama, úshýіn alaıyn”,- dedі. Qolymdaǵy aqshamen úıge júgіrіp bardym. Barlyǵyn sata almasam da, ata-anama kіshkene bolsa da kómektese alǵanyma qatty qýandym. Keıіn de ol jіgіttі kórіp júrdіm. Bіrneshe ret mazaq etіp: “Ýkrop bar ma?”,- dep mysqyldap kúletіn.
Ýaqyt óttі. Ol kúnder de umyt boldy. Belgіsіz jannan hat kelіp, kóp sátter eske tústі…" - dep jazdy.
Dese de, jýrnalıst sol balaǵattaǵan adamǵa renjіmeıtіnіn jaza kettі.
"Men eshkіmge renjіmeımіn. Bіraq, ol Áıel adam menen ne úshіn qazіr keshіrіm surap turǵanyn túsіnbedіm. Eń bastysy - júregі taza jan eken, ózі úshіn emes, іnіsіnіń qatelіgіn túsіnіp, bіr aýyz aıtaıyn degen shyǵar" - dedі ol.