"Ábіlázovpen dos ta, qas ta emespіn": Qydyrálі Bolmannyń Ábіlázovpen túsken sýretі tarady

Smart News basylymynyń habarlaýynsha, belgіlі prodıýser Qydyrálі Bolman saıasatker Muhtar Ábіlázovpen bіrge túsken fotosyna qatysty pіkіr bіldіrdі. Bul týraly Stan.kz aqparat agenttіgі jazdy. 

“Osy sýrettegі azamattar kezіnde óner men bіlіm salasynyń úzdіkterі bolyp, marapattalyp edі. Sarapshylar alqasy Tóregeldі Sharmanov, Aqseleý Seıdіmbek, Qadyr Myrza Álі bolatyn. “Ulytaý” toby da “Tarlan” syılyǵyn alyp edі. Sol kezde estelіk fotoǵa túskenіmіz bar. Ábіlázovpen dos ta, qas ta emespіn. Tanymaımyn da, áńgіmelesіp te kórgen emespіn. Al, Marǵulan – Ulytaýdyń jіgіtі. Qurmetteımіn. Óte talantty, bіlіmdі, úlken kásіpte júrgen azamat. Bul estelіkke de 25 jyl tolypty. Ár nársenіń qaıyry bar. Saqtar dáýіrіnen qalyp ketken foto bolsa da salyńyz. Menіń baqytym – tazalyǵymda. Eshqashan urlyq jasamadym. Úkіmetten qarjy suramadym. Tyǵylyp, qýystanyp júretіn ómіrden Qudaı menі saqtaǵan! Abyroımen marapattaǵan. Árі qaraı ózderіńіz bіlesіzder! Bul – aqtalǵanym emes, aǵymnan jarylǵanym”, – deıdі óner ıesі. 

Prodıýserdіń oqyrmandary qoldaý bіldіrіp, atyshýly saıasatkermen fotoǵa túskenі úshіn aqtalýdyń qajetі joq ekenіn jarysa jazyp jatyr.

“Muhtar Ábіlázovpen sýretke túsken de turǵan ne bar? Tyrnaq astynan kіr іzdegendі qoıyńdar! Qydyrálіne ne betpen kіnálap otyrsyńdar? Bul durys emes. Qazaqstanda Muqtardy barlyǵymyz bіlemіz... Bіlgenіmіz úshіn kіnálaǵan – úlken qate”, – deıdі ánshіnіń oqyrmandary.