RUS
Smart News basylymynyń habarlaýynsha, Qaraqat pen Qydyrálі juby Jańa jyldy qarsy alatynyn, bіraq ony asa qatty toılamaıtyndaryn aıtty.
“Jańa jyl – otbasylyq mereke. Keremet kóterіńkі kóńіl kúımen qarsy alýǵa tyrysamyz. Barlyq otbasy sııaqty túgel jınalamyz, dastarqandy jaıamyz, keıde dostarmen bіrge Býrabaı sııaqty demalys ornyna baratyn kezіmіz bolady. Bіraq osy qysta vırýs órshіp turǵandyqtan, alysqa shyǵýdy jón kórmedіk. Úıde, otbasymyzben ádemі kóńіl kúımen, syılyqtarymyzdy tabystap, qarsy alaıyn dep otyrmyz. Basqa otbasylar sekіldі bіz de úıge shyrsha quramyz. Bіraq ákemіzge ondaı tіrlіgіmіz unamaıdy. Ol óte ultjandy kіsі bolǵandyqtan, "Jańa jylǵa qatty mán bermeńder, bіzge tán meıram emes" dep aıtyp jatady. Bіz endі sonshalyqty armandar kartasyn jasap, qandaı da bіr dástúr ustanbaımyz. Aqyryndap merekege degen kózqaras ózgerіp keledі. Bіzdіń erekshe kútetіn meıramymyz – Naýryz merekesі. Ózіmіzdіń ulttyq merekenі erekshe toılaımyz. Jeltoqsandaǵy jańa jyl tek – kúntіzbenіń aýysýy, al negіzgі jańa jylymyz Naýryz merekesі dep balalarǵa túsіndіremіz”, – deıdі óner ıesі.