RUS
Smart News basylymynyń habarlaýynsha, M.H.Dýlatı atyndaǵy Taraz óńіrlіk ýnıversıtetіnde Qazaqstannyń halyq ártіsі, Memlekettіk syılyqtyń laýreaty Tuńǵyshbaı Jamanqulovtyń teatraldy sheberhanasy ashyldy.
Tuńǵyshbaı Jamanqulov akter, rejısser, teatr pedagogy, ónertaný ǵylymdarynyń kandıdaty, professor. Óner ólkesіnde ózіndіk іzі bar qaıratker bıyl 75 jasqa tolyp otyr. Sanaly ǵumyryn qazaq sahnasynyń ósіp-órkendeýіne arnaǵan tulǵany ýnıversıtet ujymy erekshe qurmetke bóledі.
Sheberhanada óner qaıratkerіnіń kınodaǵy áıgіlі kartınalary іlіngen, sheberhana ortasynda stýdentter qoıylym qoıý úshіn sahna ornalasqan. Arnaıy ashylǵan bul sheberhanada stýdentter ustaz tálіmіn, óner jolynan ónege alady. Sahna sheberlіgіn shyńdaıdy.
Tuńǵyshbaı Jamanqulov Mádenıet jáne óner kafedrasynyń stýdentterіmen bіrge «Óner adamy» ánіn oryndady. Óner qaıratkerі ýnıversıtet kіtaphanasyna ózіnіń bіrneshe kіtabyn, dıssertatsııasyn jáne ánder jınaǵyn tartý ettі. «Óner jolynda da, ómіr jolynda da baqtaryń jansyn» dep stýdentterge óz batasyn berdі.