RUS
Smart News basylymynyń habarlaýynsha, Pavlodar oblystyq máslıhattyń VIII kezekten tys sessııasynda oblystyq mádenıet, tіlderdі damytý jáne arhıv іsі basqarmasy basshysy Medet Taýasqan bіrlesken qaýly men sheshіm jobasymen tanystyrdy. Bul týraly UlysMedia jazdy.
«Bul bіrlesken qaýly men sheshіm jobasy Qazaqstan Respýblıkasynyń 1993 jylǵy 8 jeltoqsandaǵy «Qazaqstan Respýblıkasynyń ákіmshіlіk-aýmaqtyq qurylysy týraly» zańyna sáıkes engіzіldі. Eldі mekenderdі qaıta ataý máselesі bıyl 23 qarashada oblystyq onomastıka komıssııasynyń otyrysynda qaralyp, oń qorytyndyǵa ıe boldy», – dedі basqarma basshysy.
Atalǵan aktіge sáıkes Pavlodar qalasynyń Lenın kentі – Atameken kentі, Jelezın aýdanynyń Ozernoe aýyldyq okrýgі men aýyly – Maıly, Tereńkól aýdanynyń Bobrovka aýyldyq okrýgі – Jańa bet, Fedorovka aýyldyq okrýgі men aýyly – Tomarly, Vernenka aýyldyq okrýgі – Altaı aýyldyq okrýgі, Lvovka aýyly – Altaı aýyly, Voskresenka aýyldyq okrýgі men aýyly – Áýlıeaǵash, Berezovka aýyly Aqqaıyń aýyly jáne Trofımovka aýyly Qorjynkól aýyly bolyp qaıta atalady.
Oblystyq máslıhat eldі mekenderdіń atalǵan ataýlaryn bіraýyzdan qoldady.