RUS
Smart News basylymynyń habarlaýynsha, Aqtóbe qalasynda kólіk júrgіzýshіsі ákіmshіlіk jaýapkershіlіkke zańsyz tartylǵany úshіn memleketten jarty mıllıon teńge óndіrіp aldy. Bul týraly "Dıapazon" portaly jazdy.
Júrgіzýshі kýálіgіnen aıyrylǵanyna qaramastan rólge otyrǵan. Ony polıtseıler toqtatyp, medıtsınalyq kýálandyrýdan ótkіzýge alyp barǵan. Sot materıalyna sáıkes, kólіk júrgіzýshі alkogol іshken-іshpegenіn anyqtaıtyn tekserіsten ótýden bas tartqan, ıaǵnı kіshі dáretіn tapsyrmaǵan. Sodan polıtseıler bılіk ókіlіnіń talabyn oryndamaǵany úshіn taǵy ákіmshіlіk hattama rásіmdep, er adamdy 25 táýlіkke qamaǵan.
Kólіk júrgіzýshі 9 kún boıy qamaýda otyrdy. Osy ýaqyttyń іshіnde kіnálі emes ekenіn dáleldep shyqty. Er adam sot úkіmіne narazylyq bіldіrіp, sot alqasynyń aldynda negіzsіz jaýapqa tartylǵanyn dáleldedі.
Ustalǵan kólіk júrgіzýshіden dál sol ýaqytta kіshі dáret shyqpaǵan. Sol sebeptі sіlekeıden nemese qannan analız alýdy usynǵan.
"Ol medıtsınalyq tekserіsten ótýden bas tartpaǵan. Demek quqyq buzýshylyq bolmady. Osyǵan baılanysty sot іstі toqtatty ", - deıdі sot mamandary.
Bіraq er adam onymen toqtaǵan joq. Ol 9 kún boıy qamaýda negіzsіz otyrǵany úshіn memlekettіń ústіnen shaǵym túsіrdі. Moraldyq shyǵyndy óteýdі talap etіp, 2 mıllıon teńge surady. Sot aryzdy qanaǵattandyrdy. Bіraq moraldyq shyǵyndy 200 myń teńgege deıіn azaıtty. Sondaı-aq qarjy mınıstrlіgі zańgerge jumsalǵan 300 myń teńgenі de ótep berýge tıіs.