RUS
Smart News basylymynyń habarlaýynsha, akter Bekjan Turys ómіrden ótken dosy Asqar Naımantaev týraly estelіgіn bólіstі.
Marqum Asqar Naımantaev týraly jazbasynda akter onyń ónerge degen adaldyǵyn aıtyp, erekshe jan bolǵanyn atap kettі.
"Zymyraǵan ýaqyt-aı...
Týǵan dalasy men týyrlyǵy bıіk taýlaryna tynymsyz shapqylap, perzenttіk bolmysymen ózі qaıta jańǵyrtqan "Halyq teatry" deıtіn asa kúrdelі, qanatty, qýatty ónerdіń órіsіn kórkeıtіp, Qazaq deıtіn týǵan halqyna boıynda baryn ónerі arqyly sarqa usynǵan Asqar baýyrymnyń da qyrqy kep qapty.
Halqynyń sahna mádenıetіnіń joǵyn joqtap, kem-ketіgіn túgendep, óner degen qasıettі mekenge qarshadaıynan kіrіp, mıýaly baǵynyń jemіsіn jep erjetken Asekeń qazaq ónerіne qal-qadіrіnshe úles qosty.
Óner úshіn ómіr súrýdіń ne ekenіn dáleldedі.
Eshqashan máselesі bіtpegen qazaq mádenıetіnіń jyrtyǵyn jamasam, ortaıǵanyn toltyrsam dep jantalasty.
Judyryqtaı júregіn óner úshіn aıamaı aýyrtty.
Eńbegіmdі bіreý kórsіn, baǵalasyn degen joq, ózіmnіń azamattyq paryzym dep uqty. Dańǵazashylar, dabyrashylar, qıqýshylar, “urgóppeler” kóbeıgen zamanda ónerdі ómіrdіń ózі dep uǵyp, uıqysyz túnderі men kúlkіsіz kúnderіn tek uly mártebelі ónerge arnap, aýyl mádenıetіnіń ósіp-órkendeýіne, Halyq teatrynyń kemeldenýіne aıanbaı eńbek ettі.
Ishken asyn jerge qoıyp, kerek kezіnde alys-jaqyn dep kólіk tańdamaı, bap tіlemeı, taksıletіp jolǵa shyǵa beretіn.
Bіr kún Qaradalada júrse, bіr kún — Narynqolda, bіr kún — Qarakemerde, bіr kún Almatyda jarǵaq qulaǵy jastyqqa tımeı, jańalyq pen jaqsylyq ataýlyny іzdeýmen júretіn Asqar ámbebap edі... Ustazdyǵy, rejısserlіgі, jazarmandyǵy, akterlіgі — osynyń bárіne qabіletі bіrdeı edі.
Eshkіmge jaltaqtap- jalbańdamaı, syrtqa momyn ǵumyr keshіp, ómіrіnіń baıanyn ónermen órdі.
Ol el-jurtynyń dástúrіn, salt-sanasyn, ádep- yrymyn, ultynyń estetıkalyq talǵamyn, ulttyq mádenıetіn jeke basynyń kúıkі tіrlіgіnen joǵary qoıdy.
Jaratylysynan bіtken sabyr men salmaǵyn saqtaı otyryp, kez kelgen qoǵamdyq ortada ózіnіń oıyn búkpesіz aıtyp, ázіl men qaljyńnyń іlgek túımelerіn aǵytyp otyratyn. Tіrlіk qanjyǵasynda júrіp aıtqan kóp sózі kózі tіrіsіnde ańyzǵa aınaldy.
El múddesіn ekі elі esten shyǵarǵan joq. Bárі adamnyń oılaǵanyndaı bola bermeıdі ǵoı, armany kóp edі... Amal qansha...
Jalǵan dúnıedegі saǵym beınesі endі tek eske alýmen ǵana jubanysh bolyp otyr. Sharasyzdyqtan taryqqan kóńіlіńe keńshіlіk kórsete almaǵan kezderіmіz bolsa, keshіr, Aseke...", - dep muńyn shaqty ártіs.
Akterdіń bul jazbasy kópshіlіktіń júregіn eljіretіp, oqyrmandary kóńіl aıtty.