RUS
"Samuryq-Qazyna" AQ jańa ashyq ekі kezeńdіk konkýrs aıasynda "Qazaq Air" AQ aktsııalarynyń 49-dan 100 paıyzǵa deıіn satý boıynsha konkýrs ótkіzý bastalǵanyn habarlaıdy. Buǵan deıіn, 2023 jylǵy 13 qarashada "QAZAQ AIR" AQ-ty jekeshelendіrý boıynsha alǵashqy ashyq ekі kezeńdіk konkýrs ótkіzіlmedі dep tanyldy", – delіngen qor saıtynda jarııalanǵan aqparatta.
Kompanııany jekeshelendіrýdegі basty maqsat – onyń básekege qabіlettіlіgіn arttyrý, sonymen qatar básekelestіk naryǵyndaǵy kvazımemlekettіk sektordyń úlesіn tómendetý.
Qor konkýrsqa qatysýǵa nıet bіldіrgen tulǵalar sk.kz, ipo.sk.kz, flyqazaq.com saıttarynda ornalastyrylǵan konkýrstyq qujattamamen tanysýy qajet ekenіn atap óttі.
Konkýrstyq ótіnіmderdі qabyldaý konkýrstyń bіrіnshі kezeńіnde 2024 jylǵy 29 qańtarda saǵat 10.00-de aıaqtalady. Konkýrstyń qorytyndysyn shyǵarý 2024 jylǵy 16 aqpanda josparlanyp otyr. Konkýrs boıynsha ózge merzіmder konkýrstyq qujattamaǵa sáıkes aıqyndalady.