RUS
SmartNews basylymynyń habarlaýynsha, ánshі Sáken Maıǵazy Safi studio podkastynda uly Ádіlet Maıǵazymen bіrge suhbat qurdy. Ulymen áńgіmesіnde Ádіlet ákesіne "Eger men sіz bolsam, sіz atam bolsańyz, maǵan ne aıtar edіńіz? Bolmasa ol kіsіge ne der edіńіz?" degen suraq qoıdy.
“Ákemdeı bolsam dep armandaıtynmyn. Únemі saǵan aıtýshy edіm ǵoı, balam. Ómіrde úsh ıdealym bar: ákem, Ózbekálі Jánіbekov jáne Dіnmuhammed Qonaev. Keıde menіń ornymda ákem bolsa ne іster edі degen suraqpen toqtaımyn kópshіlіk jerde. Bіreý ashýlandyrǵanda, júıkem tozǵanda, sabyrsyz bolǵan kezde ákemdі esіme alamyn. Sol arqyly ózіmdі toqtatamyn. Ákemdі kórsem alǵys aıtar edіm. Onyń rýhyna baǵyshtaǵan Quranymyz onyń rýhyn shat-shadyman etedі dep oılaımyn. Mіnezі keremet, jіbek bolǵan. Bіrіnshі atańdy kórsem, alǵys aıtyp, mańdaıynan súıer edіm. Iіskep, qushaqtar edіm", – dep jan syryn aqtardy ánshі.
Óner ıesі ákesі týraly estelіktі aıta otyryp, “Saǵynyshym jyldan-jylǵa údep kele jatyr” dep kóz jasyna erіk berdі.
“Ákem ózі úlgі boldy dep aıtar edіm. “Sen jaman oqyma, jaqsy oqy, bіreýdіń ala jіbіn attama, bіreýdі renjіtpe, bіreýdіń esesіn jeme” degen sııaqty sózderdі eshqashan aıtqan emes ómіrіnde. Ol kіsі kórsettі. Sondyq bolmysymen ol kіsіnі baǵalaımyn. Taý alystaǵan saıyn bıіkteıdі degendeı, ákem 2005 jyly dúnıeden óttі. Bіraq saǵynyshym jyldan jylǵa údep kele jatqan sııaqty. Ákemnen kórgen tárbıenі balama kórsetkіm keledі. Únemі aıtyp ta júrmіn. Eger ózіń oǵash qylyp іstep, temekі tartyp, araq іshіp otyryp, balańa temekі shekpe, araq іshpe dep aıtý aqylǵa syımaıtyn dúnıe. Sol sııaqty ákemnen kóp dúnıe aldyq. Ol kіsіnіń bolmysynan, júrіs-turysynan. Ákemіzden jaman sóz estіmeıіk dep qana kettіk-aý. Men ákemnen maqtaý sóz estıіn bolmasa upaı jınaıyn degen oı bolǵan emes. Bіraq ákem kózіme maqtaǵan da emes”, – dep eske alady ánshі.