Atyraýda sal aýrýyna shaldyqqan 13 jastaǵy qyzdy zorlaǵan erkek sottaldy

SmartNews basylymynyń habarlaýynsha, Atyraýda ustalǵan pedofıl sottaldy. Bul týraly aikyn.kz basylymy jazdy.

Jantúrshіgerlіk oqıǵa 2022 jyly 6 jeltoqsanda qaladaǵy Avangard shaǵyn aýdanynda bolǵan. Polıtsııa 13 jastaǵy qyzdy zorlamaq bolǵan er adamdy ustady. Balany anasy sabaqqa apara jatqan. Alaıda kólіkten shyqqan sátte oǵan er adam otyryp, avtomobıldі aıdap ketken.

Kórshіlerdіń aıtýynsha, qyz kіshkentaı kezіnen sal aýrýyna shaldyqqan.

2023 jylǵy maýsymda bul qylmystyq іs Atyraý oblysy qylmystyq іster jónіndegі mamandandyrylǵan aýdanaralyq sotynda qaraldy. Er adam Qylmystyq kodekstіń 2 baby boıynsha (qyzdy zorlaý jáne іrі kólemde shyǵyn keltіrgen kólіktі urlaý áreketі) kіnálі dep tanyldy.

Oblystyq sottyń baspasóz qyzmetіnіń málіmetіnshe, іs jabyq sot otyrysynda qaralǵan. Sondyqtan onyń mán-jaıy tolyq jarııalanbady.

- Sottalýshynyń kіnásі kámeletke tolmaǵan jábіrlenýshіnіń jáne onyń zańdy ókіlіnіń, kýágerlerdіń aıǵaqtarymen, oqıǵa bolǵan jerdі tekserý hattamasymen, saraptama qorytyndylarymen tolyq dáleldendі, - dep jazylǵan oblystyq sottyń habarlamasynda.

Aıyptalýshy kіnásіn moıyndady. Sýdıa ony 17 jylǵa bas bostandyǵynan aıyrdy.