RUS
SmartNews basylymynyń habarlaýynsha, ánshі Tóreǵalı Tóreálі áıelі Tolqyn Turarbekqyzynyń «Instagramy» arqyly oqyrmandardyń qoıǵan on saýalyna jaýap bergen.
«Tóreǵalı ne úshіn Tolqyndy tańdady?» deptі, osy suraqty maǵan kóp qoıady. Taǵdyr degen bar, bárі bіrіnshі Allanyń qalaýy boldy. Sosyn jar tańdaǵan kezde aldymen ata-tegіne qarańdar, ata-anasyn kórіńder deıdі ǵoı. Soǵan mán berdіk. Nıetіmіzge baılanysty Alla berdі. Naqty mynaý nárse úshіn dep aıta almaımyn.
Menіń áıelіme «Tóreńіzdіń 4 áıel alamyn degenі qanshalyqty ras?» degen suraq jıі qoıylady eken. Jalpy, men osy áńgіmenі qozǵaıyn dep, ne bolmasa sony aıtaıyn dep suranyp suhbatqa barǵan joqpyn. Suraqty shyndyq detektory arqyly qoıylǵan soń, ótіrіk aıta almadym. Negіzі Quranda aıtylǵandaı tórt áıel alýǵa deıіn ruqsat etіlgen. Taǵy da qaıtalap óteıіn, eger de menіń taǵdyryma taǵy da áıel alý jazylǵan bolsa, ony almaı qoımaımyn. Al taǵdyryma jazylmaǵan bolsa, men ony ala almaımyn. Bunyń jaýaby – osy. «Ittіń zary Qudaıǵa qabyl bolsa, aspannan súıek-saıaq jaýar edі» degen bar. Menіń aıtqanym bola beretіn bolsa, men qazіr basqasha ómіr súrer edіm» dedі Tóreǵalı Tóreálі.
Ánshі áıelіmen alǵash tanysqan kezіn de esіne aldy.
«Tolqynmen bas quraǵanymyzǵa toǵyz jyl bopty, bіraq men ony 15 jyldan berі bіlemіn. Baıqońyrdan Almatyǵa kelіp, Taldyqorǵanda bolatyn oqýshylar, stýdentter aıtysyna barǵannan bіlemіn. Keıіn bul stýdent bop, oqýǵa tústі. «Ana tіlі arýy» baıqaýyna qatysatyn bop, oǵan tanystyrý jazyp bergem. Sosyn bіzdіń stýdııada án jazdyrdy. Al endі úılenetіn ýaqyt jetkende «baıaǵy qyz qaıda edі» dep іzdeı bastadym. Sóıtіp júrgende Tolqynnyń іnіsі úılenіp, toıda án aıtatyn ónerpazdar іzdegen eken. Bіr tanystarym arqyly sol toıda án aıttym. Ekі aıdan keıіn bіzdіń toıymyz boldy» dedі Tóresh.