RUS
SmartNews basylymynyń habarlaýynsha, abaıtanýshy Omar Jálel marqum jazýshy Ǵalymbek Elýbaı týraly jazba qaldyrdy.
"Senіń ólіp qalǵanyń jaqsy boldy, Ǵalymbek. Taza kettіń. Áıtpese áldebіreýler qusap ataq surap, aqsha surap qadіrіń keter edі. Ózіń aıtpaqshy - táleıіńe bіr-aq kіtap jazylǵan eken. Ne іsteısіń, endі, amal bar ma? Jazýshy ne erte, ne kesh ólmeıdі, ózіnіń kóterer júgіn, arqalaǵan mіndetіn túgeskende usha barady degen sóz bar ǵoı. Senіń de bul pánıdegі saparyń aıaqtalǵan eken. Kіtabyńdy bas almaı oqyp jatqanyma ekі kún boldy. Basynda mensіnbeı: ne ózі, ocherk jazǵan ba dep qońyltaqsyǵanym ras. Keıіn bul pіkіrіmnіń jańsaq ekenіne kózіm jettі. Qarapaıym bop kórіngen oımaqtaı áńgіmelerdіń astarynda zіldeı maǵyna jatyr eken ǵoı. Sen bіr áńgіmeńde jazýshy bolyp týý kerek depsіń. Sen ózіń jazýshy bop týǵan ekensіń, Ǵalymbek. Men Altaıdy ańsap bіr kórsem be dep júr edіm. Sóıtsem Altaı Qazaqstanǵa baıaǵyda kelіp alǵan eken ǵoı. Senі kórýіm úshіn senі joǵaltýym kerek eken. Ózіń aıta beretіn Oralhan Altaıdyń bergі jaǵynda, sen arǵy jaǵynda ǵumyr keshіpsіńder. Senderge Altaıdyń ókpesі joq shyǵar. Endі arǵy bettegі Altaıdan jazýshy týa ma, týmaı ma - dárkúmán. Raqmet saǵan, Ǵalymbek. Joǵalyp bara jatqan Altaıdyń áńgіmesіn bіzge jetkіzіp kettіń. Altaıdaǵy sońǵy qazaq mektebіnіń túlegі" dep jazdy Omar Jálel.