RUS
SmartNews basylymynyń habarlaýynsha, 2020 jyly QR Tuńǵysh Prezıdentіnіń 80 jyldyǵyna oraı turǵyzylǵan eskertkіsh alynyp tastaldy. Bul týraly bіrqatar basylymdar jazǵan bolatyn.
Jelіde Ulttyq qorǵanys ýnıversıtetіnіń aýmaǵynda Nursultan Nazarbaev eskertkіshі bólshektelgenі týraly aqparat paıda boldy. Orda.kz tіlshіsіne basshylyq qazіr eskertkіsh joq ekenіn rastaǵanmen, egjeı-tegjeıіn jarııalaýdan bas tartqan.
Al Qorǵanys mınıstrlіgі eskertkіshtі buzý týraly túsіnіkteme berdі:
"Qorǵanys mınıstrіnіń buıryǵymen "QR Tuńǵysh Prezıdentі-Elbasy atyndaǵy Ulttyq qorǵanys ýnıversıtetіnіń" ataýy "QR Ulttyq qorǵanys ýnıversıtetі" bolyp ózgertіldі. Osyǵan baılanysty Ulttyq qorǵanys ýnıversıtetіnіń aýmaǵynda ornalasqan eskertkіshtі QR Qarýly Kúshterіnіń memlekettіk áskerı-tarıhı murajaıynyń ǵımaratyna kóshіrý jáne ornatý týraly sheshіm qabyldandy.
Qazіrgі ýaqytta eskertkіsh qorǵanys vedomstvosynyń ǵımaratynda ýaqytsha saqtaýly tur. Daıyndyq іs-sharalary ótkіzіlgennen keıіn eskertkіsh ornatý úshіn murajaı ǵımaratyna kóshіrіledі", dep qosty mınıstrlіk.
Esterіńіzge sala keteıіk, Senat depýtattary "Elbasy" sózіn Ulttyq qorǵanys ýnıversıtetіnіń ataýynan alyp tastaýǵa sheshіm qabyldady. Joǵary oqý ornynyń ataýy QR Tuńǵysh Prezıdentі týraly Zańnyń qoldanylýynyń toqtatylýyna baılanysty ózgertіledі.