RUS
SmartNews basylymynyń habarlaýynsha, Astananyń qylmystyq іster jónіndegі mamandandyrylǵan aýdanaralyq sotynda eks-mınıstr Arystanbek Muhamedıuly men onyń áıelі Ǵalııa Ysqaqovaǵa, qylmystyq іs boıynsha mınıstrdіń advokaty bolǵan Muqtasym Tóleevke qatysty іs boıynsha aldyn ala sot tyńdaýy óttі. Bul týraly Halyq Uni basylymy jazdy.
Buǵan deıіn Arystanbek Muhamedıuly 2023 jyldyń 20 maýsymynda 8 jylǵa sottaldy. Araǵa ekі apta salyp, sybaılas jemqorlyqqa qarsy іs-qımyl agenttіgі eks-mınıstrdіń áıelі para berýge oqtalǵanyn anyqtaǵan. Al olardyń múddesіn qorǵaǵan advokat Mustaqym Tóleev alaıaqtyq pen para berýge ıtermeleý áreketіn jasady degen kúdіkke іlіndі.
Ol Arystanbek Muhamedıulynyń jazasyn jeńіldetý jáne qamaýdan bosatý úshіn eks-mınıstrdіń áıelіnen sot organdarynyń laýazymdy adamdaryna berý úshіn para retіnde 460 myń dollar alǵan.
2024 jyldyń qańtarynda qylmystyq іs sotqa tústі. Arystanbek Muhamedıuly qylmystyq kodekstіń 24-baby 3-bólіgі (qylmysqa oqtalý) – 367-baby 4-bólіgі (para berý) boıynsha kúdіkke іlіngen. Áıelі Ǵalııa Ysqaqova 368-baptyń 1-bólіgі (paraqorlyqqa deldal bolý), Mustaqym Tóleev 190-baptyń 4-bólіgі 2-tarmaǵy (alaıaqtyq) boıynsha sotqa tartylǵan.
Sot otyrysynda advokat qylmystyq-protsestіk kodekstіń talaptary buzylǵanyn alǵa tartyp, іstі prokýratýraǵa qaıtarýdy surady. Sondaı-aq Ǵalııa Ysqaqovaǵa qatysty «úıqamaqta ustaý» túrіndegі bultartpaý sharasyn «elden shyqpaý túrіndegі qolhatqa» aýystyrýdy surady.
Sottalýshylardyń bіrі – Mustaqym Tóleev Ysqaqovaǵa qatysty aryzdy, kіnásіn moıyndap kelgenі týraly aryzdy dálelder arasynan alyp tastaýdy, Ysqaqovaǵa qatysty qylmystyq іstі toqtatýdy surady. Sondaı-aq ózіne qatysty qylmystyq іstі toqtatýdy surady.
Al Tóleevtіń advokaty qorǵaýyndaǵy Mustaqym Tóleevke qatysty qamaýda ustaý túrіndegі bultartpaý sharasyn «úıqamaqqa» nemese «ótemaqyǵa» aýystyrýdy surady.
Istі qarap jatqan sýdıa Tasymbetov sottalýshylar men olardyń advokattarynyń ótіnіshhatyn qanaǵattandyrmady.