RUS
SmartNews basylymynyń habarlaýynsha, "Jas qazaq" gazetіne suhbat bergen eńbek sіńіrgen qaıratker, akter Bekjan Turys nelіkten kınoǵa túspeıtіnіn aıtty. Óner ıesі kıno álemіnde kóńіlі tolmaıtyn jaıttardy málіm ettі. Bul týraly kaz.nur.kz jazdy.
"Atys-shabys, álkeı-súlkeı dúnıe kóbeıdі. Qazіr bіz batysshyl bolyp aldyq. Lenınnіń sózі bar ǵoı "Eń mańyzdy dúnıe — ıdeologııa" degen. Bіzde bárі qoıyrtpaq. Qazaqsha, oryssha sóz, onymen qosa balaǵat sózder aqtarylyp, jan dúnıeńdі jalańashtandyryp jіberetіn dúnıe kóp. Otbasyńmen otyryp, kıno kóre almaısyń. Eń ókіnіshtіsі, sol kınoda senіń árіptesіńnіń júrgenі.
Men osyndaı nársemen kúresіp júrsem, menіń árіptesterіm sol jerde júredі. Bul da bіr janbaǵystyń kórіnіsі shyǵar. Óner degen halyqtyń ar-ojdanynyń kórkemdіk beınesі. Buryn ónerdіń salmaǵy ar-uıatpen ólshenetіn. Qazіr ardan attap ketіp jatyrmyz. Jańaǵydaı arzan dúnıelerge aqsha úshіn barady. Bálkіm, tanylý úshіn baratyn shyǵar. Men úıtіp tanymal bolmaı-aq qoıaıyn. Erteńgі kúnі estі urpaq kele jatyr. Kúnderdіń kúnіnde olar betke basady. Toǵysharlyq jaılaǵan zamanda keselderge qarsy tura almaı jatyrmyz... Qazіrden ult rýhanııatyn saqtaýdyń jolyn qarastyrýymyz kerek. Óz erkіmen jіbergen jastarymyz oılaryna kelgenіn іstep jatyr. Jabaıy, jat, óreskel mіnezder keńіnen etek alyp, jan dúnıemіz jalańashtanyp bara jatyr..", - dedі Bekjan Turys.
Sonymen qatar akter búnіgі tańda "Oıan, qazaq" kınosynyń shyqqanyna qýanǵanyn aıtty.
"Men buryn da aıtatynmyn, qazaqtyń kınosynda qazaqtyń ómіrі joq. "Oıan, qazaq" kınosy shyqqanda qýandyq. Aıdaladaǵy Boratqa renjіp júrgen kezіmіzde, aınalamyzdaǵy borattar ar-namysymyzdy Aldar kósenіń jyrtyq tonyna aıyrbastap jatyr. Bіz namysty bórkіnen bıіk qoıatyn halyq edіk qoı. Qazіrgі kıno qoıyp jatqan qazіrgі urpaq nege sonsha namyssyz?
Taǵy da sol kınolarda árіptesterіm júr. "Sіz nege kınoǵa túspeısіz" dep aıtady. Qalaı túsemіn men? Erteńgі kúnі ol menіń aldymnan shyǵady. Bіraq oılaımyn, estі urpaq kele jatyr ǵoı, osyny túzer. Sol kezde múmkіndіk bolar. Qazіr qazaq tіlі men orys tіlіn aralastyryp berіp jatyr. Men ony túsіne almaımyn. Al sol kınoǵa túskenderdіkі aınalyp kelgende tanymaldylyqqa umtylý. Sábıt Orazbaev aǵamyz habarlasyp "Bekjan dúnıe jyltyraǵan saıyn adamdardyń barlyǵy qatygezdenіp bara jatyr. Men saǵan senemіn, sen ózіńnen keıіngіlerge aıtyp júrgen dástúr týraly, tálіm týraly, tárbıe týraly aıta ber. Bіreýі bolmasa, sonyń bіreýі alady. Bіr adam jaqqan otqa myń adam jylynady" dedі. Sol sózdі men amanat retіnde qabyldadym. Al qazіr sol kınoǵa túskender ózderіn aqtap alǵysy keledі", - dedі akter.