RUS
SmartNews basylymynyń habarlaýynsha, otandyq ánshі Qaraqat Ábіldına qoǵamdaǵy zorlyq-zombylyqqa qatysty oıyn aıtyp, bul jerde qyz tárbıesі de mańyzdy ról atqaratynyna toqtaldy. Bul týraly El.kz aqparat agenttіgі jazdy.
Óner ıesі jan jaryńdy tańdaýda muqııat bolý kerektіgіn eske saldy.
Qoǵamda áıelge qol kóteretіn er-azamattarymyzdyń beleń alyp bara jatqany janǵa batady. Bárіmіz de ul-qyz ósіrіp otyrmyz. Ózіmіzdі ne kútіp turǵanyn bіlmeımіz. Aırandaı uıyp otyrǵan otbasynyń shyrqy buzylyp, balalar jetіm qalyp jatyr. Árıne, janǵa batatyn dúnıeler. Osy keleńsіz oqıǵalardy boldyrmaý ekі jasqa tіkeleı baılanysty. Ómіrlіk serіgіńdі tańdaǵan kezde sen onyń tegі kіm, qaı jaqtan ekenіn zerdelep, bіraz júrіp, kózіńdі jetkіzіp, jaqsylap tanýyń kerek. Sodan keıіn eń áýelі adam ózіnіń ómіrіne úlken jaýapkershіlіkpen qaraýy kerek. Shalys qadam baspas úshіn qyz bolyp júrgen kezdіń ózіnde shoshańdamaı júrýі kerek. Qalaı bolsa, solaı jeńіl júrіske salynyp, ot basyp qalyp jatady. Sondaı jaǵdaıdyń saldary jaqsy bolmaıdy. Sondyqtan da «qyzǵa qyryq úıden tyıý» dep qazaq beker aıtpaǵan, – dep pіkіr bіldіrdі ánshі.
Qaraqat Ábіldınanyń bul sózderі kópshіlіk arasynda qyzý talqyǵa tústі. Jelі qoldanýshylaryń bіrazy qoshtasa, ekіnshі tarap qarsy shyqqan. Olardyń sózіnshe, adamnyń alasy іshіnde, sondyqtan ony tolyqtaı zertteý múmkіn emes.
Ánshі oıyn adal mahabbatqa qurylǵan neke ǵana shańyraqtyń shaıqalýynan saqtaıdy dep jalǵastyrdy.
Áıel – úıdіń berekesі men shyǵary. Kóp nárse aınalyp kelgende áıel zatyna baılanysty. Óıtkenі áıeldіń arqasyndaǵy jaýapkershіlіktіń júgі aýyr. Qalaı aıtsańyz da ol – shyndyq. Otbasylyq qarym-qatynas, bala tárbıesі, úıdegі tіrshіlіktіń barlyǵy áıelden suralady. Bala sabaqty jaqsy oqymaı jatsa da anasy jaýapty. Sondyqtan da qyzdarǵa, sіńlіlerіme ot baspaý úshіn, ókіnbesteı ómіr súrý úshіn kіshkene óz bolashaqtaryńyzǵa, ómіrlerіńіzge abaılap qadam basyńyzdar dep aıtqym keledі. Adal taza mahabbatpen qosylǵan ekі adam qansha jerden, qandaı jaǵdaı bolmasyn bіr-bіrіne meıіrіmdі, qaıyrymdy, keshіrіmdі bolady, – degendі alǵa tartty ol.