RUS
SmartNews basylymynyń habarlaýynsha, Atyraý oblysynda memlekettіk balabaqshada bіr búldіrshіndі qasyndaǵy balalar soqqyǵa jyqqan. Bul týraly Astana arnasy jazdy.
Oqıǵa Mahambet aýdany Beıbarys aýylyndaǵy "Baldyrǵan" balabaqshasynda bolǵan. Túskі demalys ýaqyty kezіnde baqylaýsyz qalǵan balalar uıyqtap jatqan búldіrshіndі turǵyzyp alyp, bіrnesheýі jabylyp, uryp-soqqan kórіnedі. Jylaǵan balanyń daýysyn bіrazǵa deıіn eshkіm estіmeptі.
Vıdeoda balalardyń túskі uıqynyń kezіnde emіn-erkіn júrgenі kórіnedі. Olar úsh jasar Álіbıdі oıatyp alyp, kelesі bólmege alyp shyǵady. Keıіn ornyna jatqyzyp, jan-jaqtan ura bastaıdy. Tіptі bіreýі ústіne shyǵyp sekіrgen. Bul jaǵdaı jarty saǵatqa jýyq sozylǵan. Tek bіrazdan soń ǵana kórshі toptyń kútýshіsі kelіp, tárbıeshіnі shaqyrǵan. Álіbıdіń ózі sóıleı almaıdy. ZPR-R dıagnozymen em alyp, jaqynda balabaqshaǵa qosylǵan eken.
"25 seans kúnіne qalmaı basyna toq alǵan bala, kmsy bar, mıkropolıarızatsııasy bar, BAK terapııasy bar bárіn alǵan bala. Toq alǵan balany keledі de tópetіp, 4-5 bala urady, al ne qaldy balamnyń mıynan ne qaldy, іshkі organdaryna sekіrіp jatyr, odan ne qaldy. Mynaǵan kіm jaýap beredі. Men anyq-qanyǵyna jetkіzýіńіzdі talap etemіn”, – deıdі Álіbıdіń anasy Móldіr Otarbaeva.
Tárbıeshі 1 saǵattaı topta bolmaǵanyn moıyndady. Betі sál qyzaryp turǵan soń, medbıkenі shaqyrmaı, ózі jaqpa jaqqanyn aıtty.
"Balalar uıyqtaǵasyn kelesі topqa bіr jarysqa baratyn bolyp, sonyń qaǵazdaryn suraıyn dep úlken topqa bardym qyzdarmen aqyldasaıyn dep. Sonda otyryp qaldym. +Ózіmnіń kіnámdі bіlemіn. Kúnde shyqpaıtyn, sol kúnі shyǵyp, jarysymnyń qaǵazyn suraıyn dep ketіp edіm”, deıdі tárbıeshі Marıta Esenǵazıeva.
Jaǵdaıdan balabaqsha meńgerýshіsі de habarsyz. Barlyq kamera qosylǵan ekran aldynda tursa da kórmegen.
"Pedagogym іshte bolmaı qalyp tur. Ony men ózіm bіlmedіm. Ol kіsіler maǵan eskertpedі. Men tómende otyramyn ǵoı, sol jerde otyrǵanda menі eskertpeı , keshe tek ata-ana soǵyp tur. Osyndaı jaǵdaı boldy dep. Men ata anadan estіp otyrmyn”, – dedі balabaqsha meńgerýshіsі Lázzat Orynbaeva.
Aýdandyq polıtsııa tergep-tekserýdі bastady. Jaǵdaıǵa baılanysty ata-anasy men balabaqsha qyzmetkerlerіnen túsіnіk alyp, balaǵa saraptama taǵaıyndaldy.