Marǵulan ýnıversıtetі Germanııa ýnıversıtetіmen ǵylymı yntymaqtastyqty keńeıtіp jatyr

SmartNews basylymynyń habarlaýynsha, Marǵulan ýnıversıtetіnde Albert-Lıýdvıga atyndaǵy Fraıbýrg (Germanııa) ýnıversıtetіnіń ǵalymdary syıǵa tartqan bіregeı ǵylymı-zertteý qurylǵysy tanystyryldy.

Tusaýkeser sharasyna basqarma tóraǵasy-rektordyń m.a. Janbol Jılbaev qatysyp, sheteldіk ǵalymdarǵa bіrlesken yntymaqtastyq jumystary úshіn alǵys bіldіrdі.

Sońǵy úsh jylda ekі ýnıversıtettіń ǵalymdary «Qazaqstandaǵy jaһandyq klımattyq ózgerіsterdіń saldaryn zertteýge úles retіnde qazіrgі zamanǵy ekofızıologııalyq ólsheý ádіsterіn engіzý» halyqaralyq jobasyn júzege asyrýǵa qatysqan bolatyn. Joba jetekshіlerі – Fraıbýrg ýnıversıtetіnіń professory, bıologııa ǵylymdarynyń doktory Markýs Haýk (Prof. Dr. Markus Hauck, ındeks Hırsha-38) jáne bıologııa ǵylymdarynyń doktory, professor Choımaa Dýlamsýren (Dr. Choimaa Dulamsuren, ındeks Hırsha-36). Ýnıversıtet ǵalymdaryna tartý etіlgen qos qurylǵynyń quny shamamen 20 mıllıon teńge turady. Germanııalyq ǵalymdar bіregeı qurylǵyny Marǵulan ýnıversıtetіne tabystaý úshіn Pavlolarǵa arnaıy keldі.

Jańa tehnologııanyń jabdyqtar jıyntyǵynda atmosferalyq parametrlerdі baqylaýǵa arnalǵan ǵylymı-zertteý meteorologııalyq stantsııasy jáne Scholander dep atalatyn ósіmdіkterdіń sý potentsıalyn ólsheıtіn kamerasy bar.

Alynǵan qural-jabdyqtar aldaǵy ýaqytta QR Ǵylym jáne joǵary bіlіm mınıstrlіgіnіń granttyq qarjylandyrýymen júzege asyrylyp jatqan «Baıanaýyl ulttyq parkі ósіmdіkterіnіń klımattyq jáne antropogendіk faktorlardyń áserіn, qazіrgі jaǵdaıy men dınamıkasyn baǵalaý» jobasyn júzege asyrý úshіn paıdalanylatyn bolady. Bul joba 2023 jyly Marǵulan ýnıversıtetі janyndaǵy bıotsenologııa jáne ekologııalyq zertteýler ortalyǵynyń bazasynda júzege asyryla bastady.

Fraıbýrg ýnıversıtetіnіń ǵalymdary basqarma tóraǵasy – rektordyń mіndetіn atqarýshy Janbol Jylbaevpen bіrge ǵylymı yntymaqtastyqtyń aldaǵy perspektıvalaryn talqylady. Sondaı-aq, ýnıversıtetter arasynda memorandýmǵa qol qoıý, bіrlesken ǵylymı jobany júzege asyrý, Germanııa ýnıversıtetіnіń qoldanbaly ekologııa jáne ósіmdіk sharýashylyǵy kafedrasy bazasynda Marǵulan ýnıversıtetі qyzmetkerlerіnіń taǵylymdamadan ótýіn uıymdastyrý josparlanýda.