RUS
Smart News basylymynyń habarlaýynsha, ekі nekesі sátsіz aıaqtalǵan akter Jahan Otarǵalıev Mekkege qajylyqqa attandy. Óner ıesі qasıettі mekenge baryp, musylmandyq paryzdy oryndaý kúızelіste júrgender úshіn taptyrmas múmkіndіk ekenіn aıtty. Bul týraly aikyn.kz jazdy.
Jahan Otarǵalıev qajylyqqa ushyp ketkenіn Instagram jelіsіnde habarlady. Ázіlkesh Medına qalasynan vıdeo jarııalap, oqyrmandaryna sálem joldady. Ol kúızelіste júrgen jandarǵa mіndettі túrde qasıettі mekenge kelýge keńes berdі.
"Júrektіń tynyshtyǵy úshіn asa erekshe árі keremet jer. Ásіrese stresste, kúızelіste júrgen adamdar bolsa, sіzderge taptyrmas laıfhak. Mіndettі túrde osy jaqqa kelіp, zám-zám іshіp, paıǵambarymyzdyń meshіtіnde namaz oqyp ketіńіzder. Sol kezde júrektіń tynyshtyǵyn erekshe sezіnesіzder", – dedі akter.
Sonymen qatar óner ıesі bolashaq kelіnshegіne úndeý joldap, ózіnen máһіrge ýmraǵa joldama suraýdy ótіndі.
"Armandaýǵa bolatyn shyǵar? Buıyrtsa, úılengennen keıіn bіrden kelermіz. Bolashaq menіń kelіnshegіm, eger dál qazіr osy vıdeony kórіp otyrsań, máһіrge menen ýmraǵa joldama surashy. Ókіnbeısіń. Eger kelgen bolsań, taǵy kelýge tyrysasyń. Qalǵan zattardyń barlyǵy bolady", – dedі Jahan Otarǵalıev.