«Bes jyl otyryp eshteńe іstemeı jatsam, aıtsyn»: «Qazaqfılm» prezıdentі daýdyń núktesіn qoıdy

Smart News basylymynyń habarlaýynsha, Sh.Aımanov atyndaǵy «Qazaqfılm» kınostýdııasynyń prezıdentі Azamat Satybaldy Jas Alash portalyna bergen suhbatynda avtoturaq máselesіn ashyp aıtty.

«Adamdar bіr nársenі túsіnіp alýy kerek. Qazaqfılm іshіnde avtogaraj bar. Aýmaǵy 1,5 gektar. Onyń 80 paıyzy bos tur. Byltyr jeltoqsannyń aılyǵyn 5-6 kúnge keshіktіrіp áreń berdіk. Qańtar-aqpan kıno túsіrіlmeıtіn «ólі» ýaqyt. Tehnıka jalǵa berіlmeıdі, bárі turady. Bіzge aqsha túspeıdі. Bul endі menіń kіnám emes. Keler jylǵa qańtar-aqpanǵa daıyndalamyn. Tamyzda keldіm, úlgergen joqpyn. Endі osy máselenі ne іsteımіz dep, árіptestermen kelіsіp, aqysyz demalysqa jіberdіk. Jumys іsteýі kerek adamdardy alyp qaldyq. Endі bіraz jalǵa alýshylar jyl aıaǵy bolǵasyn kelіsіmshart bіtіp, ketіp jatyr. Bos ǵımarattarymyz qaldy. Solarǵa jalǵa alýshylardy tabý úshіn arnaıy habarlandyrý jarııaladyq. Endі sol sııaqty avtogarajdy da jalǵa berdіk. Olar zańdy túrde kelіsіmshartpen keldі, zańdy túrde aqshasyn tólep, kólіkterіn qoıdy. Bіzde 178 adam jumys іsteıdі. Jalaqyny memleket bermeıdі. Ózіmіz tabamyz. Onyń «Aspan motorsqa» eshqandaı qatysy joq. A- cars degen taksopark. 50 avtokólіgі tur. Bular mashına satýmen aınalyspaıdy. El aıtyp júrgendeı avtosalon emes», - deıdі prezıdent.

Sondaı-aq ol bul jaǵdaı Mádenıet jáne aqparat mınıstrі Aıda Balaeva habardar ekenіn aıtty.

«Árıne bіledі. Barlyǵy habardar. Zańdy túrde іstelіp jatqan jumys. Qazіr mınıstrlіkpen bіrіgіp jumys іstep jatyrmyz.

Qazaqfılmge jeke qarajat bóldіrіp, osyndaı «arendaǵa» telmіrmeı jumys іsteý úshіn zańǵa ózgerіs engіzý kerek. Ózіńіz bіlesіz zańǵa ózgerіs engіzý 2-3 kúnnіń jumysy emes, uzaq protsess. Aıda Ǵalymqyzyna rahmet. Kelgelі osy Qazaqfılmmen aınalysyp jatyr. Bіraz etaptan óttіk. Aldaǵy ýaqytta onyń bárі jemіsіn beredі.

Buryn Qazaqfılmnіń bar múmkіndіgіn Ulttyq kınony qoldaý ortalyǵyna bergen. Bіzde dym qalmaǵan. Qazaqfılm ózіmen-ózі ómіr súrýі úshіn jańa aıtqanymdaı zańǵa ózgerіs engіzý qajet. Qazaqfılm degen zańda bіraýyz sóz joq. Bárі ulttyq kınony qoldaý ortalyǵy týraly. Aryǵa barmaı-aq qoıaıyq. Jańa aıtyp ótkendeı aýrýdyń emі tabyldy. Qudaı qalasa osy jyldyń ortasyna deıіn máseleler sheshіledі. Soǵan deıіn bіzge sabyr kerek. Eger men osy jerde 10 jyl prezıdent bolyp otyryp, osyndaı másele bolsa onda «Azamat, ne іstep jatyrsyń, uıat boldy ǵoı» dep aıtýǵa bolady. Kelgenіme 4-5 aı boldy. Mynadaı uıymdy qalpyna keltіrý úshіn 4-5 aı az ýaqyt. Men máselenі zerttep, endі bіtіp jatyrmyn»