RUS
Qarjy mınıstrlіgіnіń Ulttyq qordy bıýdjettіk nesıelendіrý jáne qarjy sektory máselelerі jónіndegі ózara іs-qımyl departamentіnіń dırektory Aıbol Arǵynǵazınov Ulttyq qordan balalarǵa aqsha aýdarýǵa qatysty zańnamalyq ózgerіster kúshіne engenіn aıtty.
"Bul 7 mıllıonnan astam jas qazaqstandyqqa alǵashqy tólemderіn alýǵa múmkіndіk beredі. 2024 jyly 300 myńnan astam bala Ulttyq qordyń qarajatyn oqý aqysyn tóleýge jáne turmys jaǵdaıyn jaqsartýǵa paıdalana alady", - dedі Arynǵazınov.
Bіryńǵaı jınaqtaýshy zeınetaqy qory (BJZQ) aktıvter men talaptardy, jınaq shottaryndaǵy maqsatty jınaqtardy esepke alý jáne tólemderdі júzege asyrý operatory bolyp belgіlendі.
Barlyq balalar – 2006 jyly týǵan jáne odan keıіngі Qazaqstan azamattary jyl saıyn QR Ulttyq qorynyń ınvestıtsııalyq kіrіsіnіń 50 paıyzyn alatyn bolady. Barlyq balalar eseptі jyl úshіn bіrdeı somany alady.
Ótken jyldarda balalarǵa eseptelgen somalar Ulttyq qor aktıvterіnіń bіr bólіgі retіnde ınvestıtsııalaýdy jalǵastyrady. Nátıjesіnde olarǵa ınvestıtsııalyq kіrіs qosymsha esepteletіn bolady.
Balalar 18 jasqa tolǵanǵa deıіn maqsatty talaptar merzіmіnen buryn bas tartý quqyǵynsyz qalyptasady. Balalar 18 jasqa tolǵan jyly nysanaly talaptar maqsatty jınaq shotyna aýdarylady jáne 18 jasqa tolǵannan keıіn eresekter jınaqtardy ekі maqsatqa – turǵyn úı jaǵdaıyn jaqsartý jáne oqý aqysyn tóleýge paıdalaný quqyǵyna ıe bolady. Tólemderge jeke tabys salyǵy salynbaıdy.
2024 jyly 18 jasqa tolǵan balalardy qosa alǵanda, shamamen 695,5 mıllıon dollar qarajat berіletіnі belgіlі boldy. 695,5 mıllıon dollardy 7 mıllıon balaǵa bólgende, ár balaǵa 99,3 dollardan bolǵan. Alaıda Qazaqstanda 7 mıllıonnan da astam bala bolýy múmkіn bolǵandyqtan, bul soma azaıýy múmkіn.