RUS
Kún tártіbіndegі eń ózektі máseleler — ózara saýdadaǵy bіrqatar shekteýlerdі alyp tastaý jáne Reseı-Belarýs shekarasynda qazaqstandyq tasymaldaýshylardy ótkіzý bolyp otyr.
Taraptar reseılіk shoshqa etіnіń Reseı Federatsııasynan Qazaqstan arqyly ótetіn tranzıtіnіń ashylýyna jáne 2024 jylǵy 15 qańtardan bastap Reseı Federatsııasyna qazaqstandyq mal sharýashylyǵy ónіmderіn jetkіzýge qoıylǵan shekteýlerdіń alynýyn oń baǵalady.
Qazіr ekі tarap ta veterınarııadaǵy kúrdelі máselelerdі sheshýge múmkіndіk beretіn aqparattyq júıelerdіń ıntegratsııalaýyna bet buryp otyr.
Reseı tarapy Qazaqstanǵa Reseıdіń saýda jelіlerіne taýyq jumyrtqasyn jetkіzýdі arttyrý jónіnde ótіnіsh jasady.
Serіk Jumanǵarın aýyl sharýashylyǵy mınıstrlіgіne atalǵan máselenі qysqa merzіmde qaraýdy jáne qazaqstandyq ónіmdі Reseı Federatsııasynyń shekaralas aımaqtaryna jetkіzýdі arttyrý múmkіndіgіn іzdeýdі tapsyrdy.
Sondaı-aq ónerkásіptіk qaýіpsіzdіk máselelerіnde sheshіm qabyldaýda ıkemdіlіk qajet ekenіn atap óttі.
Qazaqstanda otandyq qus fabrıkalarynyń jumyrtqamen qamtamasyz etý deńgeıі 2022 jyly halyq qajettіlіgіnіń 102%-yn qurady.
2023 jyldyń 11 aıynda Qazaqstan Reseıge, Aýǵanstanǵa jáne Qyrǵyzstanǵa shamamen 186,6 mln dana taýyq jumyrtqasyn eksporttaǵanyn aıta ketken jón.
2023 jylǵy 26 qańtarǵa josparlanǵan EEK Keńesіnіń otyrysy qarsańynda taraptar Reseı-Belarýs shekarasyndaǵy qazaqstandyq júk kólіkterіnіń keshіgý jaǵdaıyn retteý úshіn Máskeýde keńeıtіlgen quramda taǵy bіr ekіjaqty kezdesý ótkіzýge kelіstі.
Belgіlі bolǵandaı, 2023 jyldyń 12 jeltoqsanynda Reseı men Belarýs azamattary bolyp tabylmaıtyn azamattar úshіn «Rýdnıa» ótkіzý beketіndegі ótkel tolyǵymen jabyldy, al 2024 jyldyń 8 qańtarynda osy atalǵan shekteý qalǵan ekі «Qyzyl» jáne «Qyzyl tas» ótkіzý beketterіne de taraldy.
Búgіngі tańda Reseı tarapynyń kómegіmen Reseı-Belarýs shekarasyndaǵy jaǵdaı basqa ótkіzý pýnktі arqyly júk aǵyndaryn qaıta baǵyttaýǵa múmkіndіk berdі.
Kólіkterdіń negіzgі bólіgі shekaradan ótіp úlgerdі.
Navıgatsııalyq plombalardy elektrondy túrde rásіmdeýdі qajet etetіn júktermen qıyndyqtar týyndady.
Taraptar jaǵdaıdy tezіrek sheshý úshіn barlyq qajettі sharalardy qabyldaýǵa kelіstі.
Kelіssóz EEK Keńesіnіń otyrysy qarsańynda Máskeýdegі ekіjaqty kezdesý sheńberіnde jalǵasady.