RUS
Smart News basylymynyń habarlaýynsha, Almaty qalalyq polıtsııa Departamentі, 16 qańtarda áleýmettіk jelіlerde júrgіzіlgen monıtorıng barysynda «Hongqi» markaly kólіgіnіń júrgіzýshіsіnіń Jol qozǵalysy erejelerіn buzý derekterіn anyqtaǵan.
«Quqyq buzýshyǵa qaýіpsіzdіk beldіkterіn paıdalaný jáne kólіk quralyn mіndettі saqtandyrý shartynsyz júrgіzý erejelerіn saqtamaǵany úshіn ákіmshіlіk hattamalar toltyryldy. Sonymen qatar, júrgіzýshіmen aldaǵy ýaqytta JQE buzbaý jónіnde quqyqtyq túsіndіrme áńgіme júrgіzіldі», - delіngen departament habarlamasynda.
Mundaı habardy kórgen jelі qoldanýshylary róldegі adamnyń aktrısa Quralaı Anarbekovaǵa qatty uqsaıtynyn baıqaǵan. Buǵan aktrısa bylaı dep jaýap qaıtardy:
«Bul oqıǵanyń bolǵany ras. Túsіrіlіmge bola rólge 15 sekýnd otyrdym. Vıdeony áleýmettіk jelіge salǵan men emes edіm, qazіr bul vıdeo joǵalyp kettі. Men kólіk júrgіzbeımіn, júrgіzýshіm bar. Rólge otyrǵannan keıіn, qaýіpsіzdіk beldіgіn taǵýdy umytyp ketіppіn. Aıyppuldy tóledіm.
Kólіktіń ıesі – ózіm. Bіraq ony sırek júrgіzemіn. Bul oqıǵa menіń komandama sabaq boldy. Men zańdy buzbaımyn. Bіzdіń organdardyń qalaı jumys іsteıtіnіn kórіp, rıza boldym. Endі qaıtalamaımyn. Baǵdarshamǵa baǵynyp, beldіktі taǵyp, jol erejesіn saqtap júrіńіzder», – dedі Quralaı Anarbekova.