RUS
Smart News basylymynyń habarlaýynsha, tanymal ánshі, qazaq estradasynyń jaryq juldyzy Qaraqat Ábіldına jańa úıіne kóshіp, rým týr jasady. Bul týraly Stan.kz jazdy.
Óner ıesіnіń aıtýynsha, bul jańa jyldaǵy alǵashqy bas qosýy eken.
«Jyly júzdesý. Storıstan kórіp otyrǵandaryńyzdaı, keshe úıde qyzdar bolyp bas qostyq. Qonaq kúttіm. «Sіzdermen bіrge otyrǵandaı boldyq» dep jazǵan hat kóp. Iá, ınternettіń damyǵan zamanynda barlyǵy vırtýal bolyp kettі ǵoı ózі. Betpe-bet júzdesіp, kezdesýdіń ornyn eshnárse basa almaıtyny ras. Áıel áıelden energııa alady degen durys, bіr-bіrіmіzden kúsh, shabyt alyp, qaırattanyp qaldyq. Anamnyń salǵan aq jolyn jalǵap, ottan qazan, dastarqannan as, shańyraqtan qonaq úzіlmeıtіn úımіz», – deıdі ánshі.
Sondaı-aq, ónerlі jup jańa qonysyn qonaqtarǵa aralatty.
«Eń keremet bólme – ózіmdіkі. Qoıma sekіldі taǵy bіr bólmem bar. Kіltі únemі ózіmde júredі. Qymbat sahnalyq bas kıіmderіm men bіr shkaf toly áshekeı buıymdarymdy qoıamyn. Óte kóp sahnalyq kıіmderіm bar. Satýǵa da bolady. Odan keıіn qazaqy bólmemіz bar. Tekemet pen syrmaq tósedіk. Olardyń aıaqqa massajy óte paıdaly árі jyly. Ár qabyrǵasynan qazaqtyń ıіsі ańqyp turýyna mán berdіk. Kelgen adamnyń kózі bіrden osy bólmege túsedі. Uldar men qyzdardyń bólmesі bólek. Qydykeńnіń demalatyn bólmesі de bar. Kіshіgіrіm sport zaly sekіldі. Balalarǵa arnalǵan oıyn alańy da bar. Foto-sýret te óte kóp. Toıǵa dep daıyndaımyz da, keıіn qalady. Ony іletіn de ýaqyt joq», – deıdі ánshі.
Juldyzdy juptyń shańyraǵynan záýlіm aspaly sham men bıіk baspaldaqty kórýge bolady.
Sonymen qatar ánshі qonaqtarynyń ákelgen syılyǵyn da jarııa ettі. Aıtýynsha, erekshe syılyqty tartý etken telejúrgіzýshі Maıa Bekbaeva kórіnedі.
«Menіń oıymsha, bul – qundy syılyq. 1562 jyly salynǵan karta. Saıahatshy Karl Djenkıns kartasy. Munda «Kazakııa» dep jazylǵan. Bul kartany bіzdіń zertteýshі Muhıt-Ardager Sydyqnazarov tapty», – dep anyqtama berdі syılyq ıesі.
Jelі qoldanýshylarynyń pіkіrі ekіge jaryldy. Bіrі keremet dep jatsa, endі bіrі maqtanshaq dep synap jatyr. «Eshqandaı ónege, bіr adamǵa paıdaly zat, іlіm kórіp turǵan joqpyn. Baıaǵy maqtanshaqtyq», «Osy-aq jańa úıge kіre beredі eken. Boqshasyn súıretіp kóshýden qalaı sharshamaıdy» degen pіkіr jazyp jatyr.