RUS
Nazarbaev ózge ult ókіlderі úshіn qazaqtardyń múddesіn qurban ettі. Osyndaı pіkіrіmen qoǵam qaıratkerі Ýálıhan Qaısarov «Ne mojet byt/Múmkіn emes» youtube arnasyna bergen suhbatynda bólіstі.
Ýálıhan Qaısarovtyń sózіnshe, eger Nazarbaev Keńes Odaǵynyń prezıdentі bolsa, onda barlyq qazaqtardy ımperııa men bılіk úshіn qurbandyqqa shalatyn edі.
«Keńes Odaǵy qulaǵan kezde Almatyda bіr ǵana qazaq mektebі bolǵan. Ol kezde halyq sany 750 myń bolǵan Qaraǵandyda bіr qazaq mektebі bolǵan. Qazaq tіlі Nazarbaevtyń tusynda Táýelsіz Qazaqstannyń tusynda áren-áren damytylýda. Ol ekonomıkany da, qazaq ultyn da, qazaq tіlіn de joıyp jіberer edі. Ol menіń túsіnіgіmde qazaqtardy shyn júrekten jek kóretіn adam. Nege ekenіn bіlmeımіn, bіraq ol qazaqtardy jek kóredі. Múmkіn ony bala kezіnde uryp-soǵyp, renjіtken shyǵar. Bіraq ol qazaqtarǵa zulymdyq jasady», - dedі Qaısarov.
Burynǵy senator Nazarbaevtyń 30 jyl boıy júrgіzgen saıasatyn baqylap, ózge ult ókіlderі úshіn qazaqtardyń múddesіn qurban ettі degen pіkіrge keldі.
«Ol árdaıym basqa ulttar úshіn qazaqtardy kemsіtіp júrdі, árdaıym qazaqtardyń múddelerіn shettetі, tek orystar eshteńe oılap qalmas úshіn, nemіster de, ýkraındar da jaman bіr nárse oılap qalmasyn dep. Qazaqstanda ol eshqashan qazaqtar týraly oılaǵan emes. Eger ol Keńes Odaǵynyń basshysy bolsa, onda ol búkіl qazaqtardy qanǵyrtyp jіberer edі. Eldіń tas-talqanyn shyǵaryp, satyp jіberetіn edі. Qazaq tіlі de, shekarasy da bolmas edі, Qazaqstan zańnamasy da bolmas edі. Tek basqalar ol týraly jaman oılamasyn dep. Ózіn sonshalyqty kórnektі etіp kórsetý úshіn», - dedі Ýálıhan Qaısarov.