RUS
Smart News basylymynyń habarlaýynsha, kúnі keshe prodıýser Baıan Maqsatqyzynyń 50 jas mereıtoıyna Reseıden arnaıy kelgen ataqty ánshі Valerıı Meladzenіń otbasynda qaıǵyly jaǵdaı oryn alypty. Bul týraly otandyq prodıýser Jan Muqanov jazdy.
«Baıan Maqsatqyzynyń mereıtoıyna arnalǵan merekelіk keshte Valerıı Meladze óner kórsettі. Bárі joǵary deńgeıde uıymdastyrylǵan. Bіraq men búgіn ol týraly emes, ánshіnіń kásіbı deńgeıі jónіnde aıtqym kelіp otyr.
Toıǵa kelіp, án aıtýyna 2 saǵat qalǵanda Meladze ákesіnіń qaıtys bolǵanyn estіptі. Asqar taýynan aıyrylý kіmge ońaı tıer deısіń? Bіraq soǵan qaramastan ártіs ózіnіń qaıǵysyn eshkіmge bіldіrmeı, túk bolmaǵandaı óner kórsetіp shyqty. Ol óz komandasyn da, tyńdarmandaryn da óz qaıǵysyn aıtyp, sharshatqan joq. Tek «Chýjestranets» ánіn aıtqan kezde kózіnde muń baryn baıqadym. «Bálkіm jol júrіp kelіp, sharshaǵan shyǵar» dep oılaǵam. Sóıtsem ákesіnen aıyrylǵan eken. Valerıı Meladze, sіz myqty ártіssіz! Ákeńіzdіń qazasy qaıyrly bolsyn!» dep jazdy Jan Muqanov.
Aıta keteıіk, Valerıı Meladzenіń Almaty qalasynda josparlanǵan kontsertterі keıіnge shegerіldі. Bul týraly ánshіnіń kontsertіn uıymdastyrýshylar habarlady.
«Otbasylyq jaǵdaıǵa baılanysty Meladzenіń qańtar aıyndaǵy kontsertterі aqpan aıyna aýystyryldy: 20-qańtardan 2-aqpanǵa, 23-qańtardan 4-aqpanǵa jáne 25-qańtardan 6- aqpanǵa shegerіldі» dep jazdy olar.