RUS
Atap aıtqanda, byltyr kámeletke tolmaǵandarǵa qarsy jasalǵan qylmys sany 22 paıyzǵa artqan. Memleket basshysynyń pіkіrіnshe, osy baǵytta aldyn alý jumystaryn kúsheıtý qajet. Polıtsııa mektep basshylyǵymen bіrlese jumys atqarýǵa tıіs.
– Jas urpaqtyń taǵdyry, ómіrі men densaýlyǵy bárіnen mańyzdy. Úkіmetke balalardy zorlyq-zombylyqtan qorǵaý máselesіn muqııat saralap, naqty sharalar qabyldaýdy tapsyramyn. Jasóspіrіmder bos júrmeýge tıіs. Olardyń shyǵarmashylyqqa, sportqa qyzyǵýshylyǵyn arttyrý jaǵyna kóbіrek kóńіl bólý qajet. Balalardy eńbekke baýlyp, volonterlіk qyzmetke jumyldyrǵan abzal. Kózboıaýshylyq úshіn jasalatyn jumysty doǵarý kerek, – dedі Memleket basshysy.
Budan bólek, Prezıdent esіrtkіnіń taralýyna batyl túrde tosqaýyl qoıýdy talap ettі.
– Men bіrneshe ret osy máselege qatysty tapsyrma berdіm. Alaıda aýyz toltyryp aıtatyn nátıje joq. Sıntetıkalyq esіrtkіnіń qoljetіmdіlіgі jáne onyń barynsha tez taralýy jastar arasynda nashaqorlyqtyń beleń alýyna ákep soqtyrady. Olarǵa nashaqorlyqtyń qanshalyqty qaterlі ekenіn únemі túsіndіrіp otyrý qajet. Polıtsııa esіrtkі óndіrý, ony satý jáne taratýǵa qarsy belsendі kúres júrgіzýі kerek. Naýqanshyldyq, kózboıaýshylyq jáne statıstıka úshіn jumys іsteý degendі toqtatý qajet, – dedі Qasym-Jomart Toqaev.
Sonymen qatar kıberqylmyspen jáne ınternet-alaıaqtyqpen kúres sharalaryn kúsheıtý jónіnde tapsyrma berіldі.
– Urylar men bandıtter túrmede otyrýy kerek. Bul – sіzderdіń krımınalǵa qarsy áreketterіńіzdіń bіrden-bіr maqsaty. Qylmystyq toptarmen ymyrasyz kúresý – sіzderdіń tіkeleı mіndetterіńіz árі qyzmettіk boryshtaryńyz, – dedі Memleket basshysy.