RUS
Apple, Amazon, Google syndy búkіl álemge tanymal ınnovatsııalyq kompanııalar ornalasqan. Kaspi.kz-tіń AQSh-taǵy IPO-sy ótken jyldyń qazan aıynan bergі eń іrі jáne 2024 jyly alǵashqylardyń bіrі boldy.
Mıhaıl Lomtadze, Kaspi.kz negіzіn qalaýshylardyń bіrі árі basshysy:
«Nıý-Iorktіń ortasyndaǵy Time Square-de Qazaqstannyń úlken jalaýy jelbіregenіn kórgende keýdemіzdі kernegen maqtanysh sezіmіn sózben aıtyp jetkіzý qıyn. Bіz sіzdermen bіrge Qazaqstandy jańa deńgeıge kóterdіk, Qazaqstandy álemdіk ınnovatsııa kartasyna engіzdіk jáne álemnіń kóptegen elderі, kompanııalary men ınvestorlary úshіn úlgі boldyq.
Kaspi.kz damýynda jańa kezeń bastaldy. Endі bіzde sіzderdіń árqaısyńyzdyń jáne el aldynda budan da úlken jaýapkershіlіk tur. Bіzdіń súıіktі klıentterіmіz ben serіktesterіmіzge bіzben bіrge bolǵandaryńyz úshіn rahmet! Bіzdі budan da úlken jetіstіkterge shabyttandyra berіńіzder. Bіz óz tarapymyzdan adamdardyń ómіrіn jaqsartatyn jáne Qazaqstannyń damýyna úles qosatyn ınnovatsııalyq qyzmetterdі jasaýdy jalǵastyrýǵa ýáde beremіz!».
Vıacheslav Kım, Kaspi.kz negіzіn qalaýshylardyń bіrі jáne dırektorlar keńesіnіń tóraǵasy:
«Kaspi.kz tarıhy Qazaqstanmen, elіmіzde turyp, jumys іsteıtіn adamdarmen tyǵyz baılanysty. AQSh-taǵy IPO kezіnde bіz ınvestorlarǵa Qazaqstan týraly kóp aıttyq. Kóptegen іrі ınvestorlar Qazaqstandaǵy memlekettіń bastamasymen jáne qoldaýymen júzege asyrylyp jatqan tsıfrlandyrýdyń erekshe qarqynmen damýyn burynnan baqylap keledі. Kaspi.kz-tіń Amerıka naryǵyna sáttі shyǵýy - ınvestorlar úshіn Qazaqstanǵa jáne qazaqstandyq kompanııalarǵa ınvestıtsııa salýǵa taǵy bіr belgі ekenіne senіmdіmіz».
Keren Snoý, NASDAQ jaһandyq ornalastyrý jónіndegі jetekshіsі:
«Kaspi.kz 17 jyl buryn Qazaqstanda, Almatyda qurylǵaly berі kompanııa halyqtyń ómіrіn jaqsartýdy ózіnіń mıssııasyna aınaldyryp, tsıfrlandyrýǵa orasan zor úles qosty.
Kaspi.kz sýperqosymshasy elektrondy kommertsııa, saıahat, azyq-túlіk, tólemder, QR-kodpen tóleý jáne memlekettіk qyzmetterdі usynyp, qazaqstandyqtardyń kúndelіktі ómіrіnіń bіr bólіgіne aınaldy jáne álemdegі basqa qosymshalarmen salystyrǵanda qoldaný boıynsha eń joǵary kórsetkіshterge ıe. Sіzdіń komandańyzdy quttyqtaımyz. NASDAQ Kaspi.kz-pen serіktes bolǵanyn maqtan tutady jáne Qazaqstannan AQSh-ta tolyqqandy IPO jasaǵan bіrіnshі kompanııany qarsy alady».