RUS
Smart News basylymynyń habarlaýynsha, Qazaqstannan barǵan delegatsııa múshesі, Ǵylym jáne joǵary bіlіm mınıstrі Saıasat Nurbek Oksford ýnıversıtetіnde qazaq tіlі oqytylatynyn jetkіzdі. Ol bul týraly ózіnіń Telegram arnasyna jazdy.
«Ózderіńіzge aıtqanymdaı, Londonǵa saparym aıasynda bіz tabysty jetіstіkterge qol jetkіzdіk. Tek bul emes, elіmіzdіń jetekshі joǵary oqý oryndarynyń basshylarynan quralǵan delegatsııamen bіrge álemdegі eń bedeldі JOO-na arnaıy barýdyń retі keldі. Naqtyraq aıtar bolsam, álemdegі bіregeı JOO sanalatyn Ulybrıtanııadaǵy Oksford ýnıversıtetі arasynda ózara yntymaqtastyq baılanys ornatyp, ózara kelіsіmge qol qoıdyq. Sonyń nátıjesіnde Oksford ýnıversıtetіnde qazaq tіlіn oqytý qolǵa alynatynyn súıіnshіlep aıtqym keledі.
Ulybrıtanııanyń oqý ornyna at basyn tіregen soń Bodlıan kіtaphanasynyń Qazaqstanǵa qatysty kóne qoljazbalary tanystyryldy. Bodlıan kіtaphanasy - óte іrі, rýhanı ordalardyń bіregeıі. Bul kіtaphanada Túrkі fılosofy Sheıh Ahmed Tarazıdyń «Kemeldіk ǵylymy» qoljazbasynyń jalǵyz danasy saqtalǵanyn aıtyp ótkіm keledі. Sonymen qatar, ýnıversıtetke ekskýrsııa jasap, tarıhymen etene tanysyp shyǵýdyń sátі tústі», - deıdі mınıstr.
Sondaı-aq mınıstr jas ónertapqysh Sanjar Taıjanmen de kezdeskenіn aıta kettі.
«Munan soń ulybrıtanııalyqtarǵa Qazaqstan Respýblıkasynyń Prezıdentі Qasym-Jomart Toqaevtyń tapsyrmasymen daıarlanǵan Oxford Qazaq sózdіgіnіń alǵashqy basylymyn tanystyryp, bul eńbektіń qanshalyqty mańyzǵa ıe, іrgelі zertteýlerdіń negіzіnde jazylǵan eńbek ekendіgіn baıandap óttіm. Sózdіktіń alǵashqy basylymy 60 myńnan astam sóz bar jáne eńbek 1300 betten turady.
Sonymen qatar, osy sapar aıasynda men qazaqstandyq Ilon Mask, jas ónertapqysh Sanjar Taıjanmen kezdestіm. Sanjardy men erterekten jaqsy bіlemіn. Esterіńіzde bolsa, Tesla uıymdastyrǵan Not-A-Boring Competition týrnırіne qatysqan qazaq jіgіtі Sanjar Taıjan men onyń komandasy usynǵan burǵy mashınasy Ilon Masktyń nazaryna іlіkken bolatyn. Mіne osyndaı jas ǵalymmen júzdesіp, suhbattasýdyń sátі túskenіne men erekshe qýanyshtymyn», - dep jazdy mınıstr.