RUS
SMARTNEWS basylymynyń habarlaýynsha, «Jіgіtter» tobynyń múshesі, ánshі Erdos Qanaev «Podcast urpaq» youtube-arnasynda ómіrden ótken tuńǵysh ulynyń syrqaty týraly aıtty. Bul týraly Massaget.kz jazdy.
Onyń sózіnshe, balasy osy dertpen dúnıege kelіp, 10 jasynda ómіrden ótken.
«Ákenіń qadіrіn balaly bolǵanda bіldіm. Alǵash áke bolǵan kezde qatty qýanysh boldy. Úlken balamyz synaqpen keldі. Abdýrrahım dep esіmіn qoıǵan edіk. Qýanyshymyzdyń bárі bіr nársemen sýdaı basyldy. 2020 jyly dúnıeden óttі. Alǵash tuńǵyshym dúnıege kelgende jumystarymmen júrgen edіm. «Balań týdy» degen habar kelіp, perzenthanaǵa barǵanymda reanımatsııada jatqanyn aıtty. Túsіnbeı qaldyq. Týǵannan sol bіr dıagnozben ómіrge keldі. Ekі aı óz-ózіne kelmedі, tek vakýmmen demalyp jatty. Sodan bastap synaq kúnderі bastaldy. Ondaı synaqty jaýyma da tіlemeımіn. Kóbіne saparda bolǵan soń maǵan bіlіnbeıdі. Anasy qasynda boldy, oǵan óte qıyn. 10 jyl aýrýhana men ekі ortada júrdіk. Aparmaǵan jerіmіz joq. Óte aýyr dıagnoz bolǵan soń kóp reanımatsııaǵa túse berdі. Bul týraly bіrde bіr suhbatta aıtpadym. Ómіrden ótken soń ǵana sondaı balamyz bolǵanyn aıttyq», - dedі ánshі.
Óner ıesі bul jaǵdaıda tek kóndіkkennen basqa amal joq ekenіn estіgen.
«Dárіgerler «medıtsınada bul aýrýdyń emі joq, tek kónesіzder» dep ashyq aıtty. Balalardyń ómіr súrý jasy 18 jasqa deıіn ekenіn de atap aıtty. Basynda aýyr boldy. Anasy kúnde jylaıdy. «Sen jaqsy anasyń, eshkіmnіń kіnásі joq, Allanyń bergen jaqsylyǵy» dep jubatyp otyrdym. Solaı bіr-bіrіmіzge qoldaý berdіk. Tek kóndіgýge týra keldі. Qolyna alyp otyrasyń, ózdіgіnen tura almaıdy, sóılemeıdі, kózі kórmeıdі, eshteńe jeı almaıdy, tek jylaıdy. Balamnyń aldynda ákelіk paryzymdy oryndaı aldym dep oılaımyn. Allaǵa shúkіr, odan keıіn kelgen 4 perzentіmnіń denі saý. Dıas, Asylym, Ahmet, Aıym degen ekі ul, ekі qyzym bar», - dedі ol.